كٷننٸڭ ەكٸنشٸ جارتىسىندا استانا پروتسەسٸنٸڭ نەتيجەسٸ جارييالانادى

- ەلوردادا ٶتٸپ جاتقان سيرييالىق رەتتەۋ جٶنٸندەگٸ حالىقارالىق كەزدەسۋدٸڭ (استانا پروتسەسٸ) ەكٸنشٸ كٷنگٸ كەزدەسۋٸن تٷسكٸ 14.00-دە اياقتاۋ جوسپارلانعان, دەپ حابارلايدى قازاقپارات.

تاراپتار ساعات 14.00-دە استانا پروتسەسٸنٸڭ نەتيجەلەرٸن جارييا ەتۋ ٷشٸن قورىتىندى باسپاسٶز مەسليحاتىنا شىعادى دەپ كٷتٸلۋدە. قابىلداۋشى تاراپ كەلٸسسٶزدەرگە قاتىسۋشى بارلىق دەلەگاتسييا ٶكٸلدەرٸنە باسپاسٶز مەسليحاتى ٶتكٸزٸلەتٸن ارنايى زال دايىنداپ قويعان. قر سىرتقى ٸستەر مينيسترلٸگٸنٸڭ ٶكٸلٸ باق الدىنا كٸمنٸڭ شىعاتىندىعىن دٶپ باسىپ ايتا الار ەمەس. دەگەنمەن, جۋرناليستەرگە ارنالعان بريفينگتٸ بۇۇ باس حاتشىسىنىڭ سيرييا جٶنٸندەگٸ ارناۋلى ەلشٸسٸ ستاففان دە ميستۋرا ٶتكٸزۋٸ مٷمكٸن.

ايتا كەتەيٸك, ەلورداداعى «ريكسوس» قوناق ٷيٸندە ٶتكەن سيرييا جانجالىن رەتتەۋ جٶنٸندەگٸ حالىقارالىق كەزدەسۋدٸڭ العاشقى كٷنگٸ وتىرىسىنا  سيرييانىڭ ٷكٸمەتتٸك دەلەگاتسيياسىنان بۇۇ جانىنداعى وسى ەلدٸڭ تۇراقتى ٶكٸلٸ باسار ال-دجافاري, شامامەن 15 وپپوزيتسييالىق توپتىڭ ٶكٸلٸ, رف پرەزيدەنتٸنٸڭ سيرييالىق رەتتەۋ مەسەلەلەرٸ جٶنٸندەگٸ ارناۋلى ٶكٸلٸ الەكساندر لاۆرەنتەۆ, تٷركييا  سىرتقى ٸستەر مينيسترنٸڭ ورىنباسارى سەدات ونال يران يسلام رەسپۋبليكاسى سىرتقى ٸستەر مينيسترٸنٸڭ ورىنباسارى سادەك حۋسەين دجابەري انساري, بۇۇ باس حاتشىسىنىڭ سيرييا جٶنٸندەگٸ ارناۋلى ٶكٸلٸ ستاففان دە ميستۋرا مەن قازاقستانداعى اقش ەلشٸسٸ دجورد كرول قاتىسقان بولاتىن.