2018 jyly 7-20-25 boiynsha bankter ortasha alǵanda bir jumys kúninde 30 nesieni maquldaǵan dep habarlaidy «Baspana» Ipotekalyq uiymy. Aqshalai shaqqanda, adamdarǵa kúnine 369 mln teńge berilgen.
2018 jyldyń nátijesi boiynsha 7-20-25 arqyly maquldanǵan nesie somasy 45 mlrd teńgege jetedi dep kútilýde (qazirgi kólem 44,2 mlrd teńge). Jeltoqsan aiynda baǵdarlamaǵa Sberbank qosyldy. Osylaisha, jyl sońynda 7-20-25 aiasynda jumys isteitin bankter sany segizge jetti. Olar: Bank TsentrKredit, ATFBank, Halyq Bank, Tsesnabank, Forte Bank, Eýraziialyq Bank, Bank RBK jáne Sberbank.
Eń kóp maquldanǵan kreditter Astana qalasynda (18 mlrd teńgege 1224 ótinim), eń azy Túrkistan oblysy (0 ótinim).
Sonymen birge biylǵy jyldyń aiaǵyna deiin qoldanysta bolǵan úiler boiynsha keminde 2 mlrd teńge ipoteka berý josparlanyp otyr. «Baspana Hit» baǵdarlamasynda Astana qalasy jáne Shyǵys Qazaqstan oblysy turǵyndary erekshe belsendi. Elordada 73 turǵynǵa 950 mln teńge somasynda kelisim berildi. Shyǵys Qazaqstan oblysynda jalpy somasy 106 mln. teńgege 19 kredit maquldandy. Tutas alǵanda, «Baspana Hit» baǵdarlamasy boiynsha 1,8 mlrd teńgege 192 ótinim maquldandy.
Qazirgi tańda «7-20-25» baǵdarlamasynyń barlyq 8 seriktes-banki «Baspana Hit» boiynsha da jumys isteidi.
