Elimizde sport tóreshileriniń eńbekaqysyn arttyrý máselesi qaralyp jatyr. Bul týraly QR Mádeniet jáne sport ministri Dáýren Abaev málim etti, dep habarlaidy QazAqparat.
«Elimizde 4 276 sport tóreshisi bar. Onyń ishinde 413 maman, iaǵni 10 paiyzy halyqaralyq sanatqa ie. Aitar bolsaq, Tokio-2020 olimpiadasyna 12 tóreshi tartyldy. Qaýymdastyqtyń málimetinshe, tóreshilerdi daiarlaýdaǵy basty problema - eńbekaqy», - dedi Dáýren Abaev Shýchinskide ótip jatqan XXIV qysqy olimpiada oiyndarynyń qorytyndysyna arnalǵan keńeitilgen otyrysta.
Ministrdiń aitýynsha, tóreshilerdiń jalaqysy tómen.
«Sport jarystarynda bir kúndik qyzmeti úshin tóreshilerge 1 239 teńgeden tólenedi. Menimshe, bul salyq shegerimin eseptemegendegi soma. Bul rette tóreshiler men olardy daiarlaýǵa joǵary talaptar qoiylady. Tóreshilerdiń áleýmettik jaǵdaiy men jalpy bedelin arttyrý maqsatyndaǵy sharany qolǵa alamyz. Qazirgi tańda jalaqyny arttyrý máselesi qaralyp jatyr», - deidi ol.
