ەلٸمٸزدە سپورت تٶرەشٸلەرٸنٸڭ ەڭبەكاقىسىن ارتتىرۋ مەسەلەسٸ قارالىپ جاتىر. بۇل تۋرالى قر مەدەنيەت جەنە سپورت مينيسترٸ دەۋرەن اباەۆ مەلٸم ەتتٸ, دەپ حابارلايدى قازاقپارات.
«ەلٸمٸزدە 4 276 سپورت تٶرەشٸسٸ بار. ونىڭ ٸشٸندە 413 مامان, ياعني 10 پايىزى حالىقارالىق ساناتقا يە. ايتار بولساق, توكيو-2020 وليمپياداسىنا 12 تٶرەشٸ تارتىلدى. قاۋىمداستىقتىڭ مەلٸمەتٸنشە, تٶرەشٸلەردٸ دايارلاۋداعى باستى پروبلەما - ەڭبەكاقى», - دەدٸ دەۋرەن اباەۆ ششۋچينسكٸدە ٶتٸپ جاتقان XXIV قىسقى وليمپيادا ويىندارىنىڭ قورىتىندىسىنا ارنالعان كەڭەيتٸلگەن وتىرىستا.
مينيستردٸڭ ايتۋىنشا, تٶرەشٸلەردٸڭ جالاقىسى تٶمەن.
«سپورت جارىستارىندا بٸر كٷندٸك قىزمەتٸ ٷشٸن تٶرەشٸلەرگە 1 239 تەڭگەدەن تٶلەنەدٸ. مەنٸمشە, بۇل سالىق شەگەرٸمٸن ەسەپتەمەگەندەگٸ سوما. بۇل رەتتە تٶرەشٸلەر مەن ولاردى دايارلاۋعا جوعارى تالاپتار قويىلادى. تٶرەشٸلەردٸڭ ەلەۋمەتتٸك جاعدايى مەن جالپى بەدەلٸن ارتتىرۋ ماقساتىنداعى شارانى قولعا الامىز. قازٸرگٸ تاڭدا جالاقىنى ارتتىرۋ مەسەلەسٸ قارالىپ جاتىر», - دەيدٸ ول.
