Sýret: Pexels
Jyl basynan beri «Kúmis jas» jobasy aiasynda 15 myńnan astam adam jumysqa ornalasqan. Bul jobaǵa 50 jastan asqan jumyssyz azamattar zeinetkerlik jasqa tolǵanǵa deiin qatysa alady. Bul týraly QR Eńbek jáne halyqty áleýmettik qorǵaý ministrligi málim etti.
Maýsym aiyndaǵy derek boiynsha «Kúmis jas» jobasy aiasynda 15,6 myń adam jumysqa turǵan. 2024 jyly osy baǵyt boiynsha barlyǵy 19 060 adamdy jumysqa ornalastyrý josparlanyp otyr.
«Kúmis jas» jobasy boiynsha jumysqa ornalasqandardyń eń kóp sany kelesi oblystarda baiqalady:
- Túrkistan – 2,3 myń adam,
- Jambyl – 1,5 myń adam,
- Qaraǵandy – 1,1 myń adam,
- Almaty – 1,1 myń adam.
Jobaǵa qatysýshylar arasynda áielderdiń úlesi 54,8% nemese 8,6 myń adamdy, aýyl turǵyndarynyń úlesi – 9,3 myń adamdy nemese 59,8% quraidy.
«Kúmis jas» jobasyna qatysý merzimi aiaqtalǵannan keiin jumys berýshi zeinetkerlik jasqa tolmaǵan adamdy keminde 1 jyl merzimge turaqty jumys ornyna, sondai-aq zeinetaldy jastaǵy adamdy zeinetkerlikke shyqqanǵa deiin jumysqa ornalastyrýǵa mindetti.
Respýblika boiynsha ortasha jalaqy mólsheri 136,2 myń teńgeni qurady, eń joǵary kórsetkishterdi Shyǵys Qazaqstan (200,3 myń teńge), Qyzylorda (180 myń teńge) oblystary men Astana qalasy (177,7 myń teńge) kórsetse, eń tómengi kórsetkish Batys Qazaqstan oblysy (100 myń teńge) men Almaty qalasyna (98,8 myń teńgeden) tiesili.
«Kúmis jas» jobasyn qarjylandyrýdy eńbek mobildiligi ortalyǵy jumys berýshiniń joba aiasynda jumysqa ornalastyrylǵan jumyssyzdarǵa eńbekaqy tóleýge jumsaǵan shyǵyndarynyń bir bóligin óteýge sýbsidiialar berý jolymen júzege asyrady. Sýbsidiia mólsheri: jumystyń birinshi jylynda jalaqy mólsheriniń 70%-yn (biraq 30 AEK-ten aspaityn), jumystyń ekinshi jylynda jalaqy mólsheriniń 65%-yn (biraq 30 AEK-ten aspaityn), jumystyń úshinshi jylynda jalaqy mólsheriniń 60%-yn (biraq 30 AEK-ten aspaityn) quraidy.
Kóptegen qazaqstandyqtar joba týraly oń pikir bildirip otyr. Solardyń biri Roza Tanjikova 57 jasynda óz mamandyǵy boiynsha jumysqa ornalasty.
«Ótken jyly jumys izdep Óskemen qalasynyń Mansap ortalyǵyna júgindim. Ortalyq qyzmetkerleriniń kómegimen men jumyssyz adam retinde tirkelip, «Kúmis jas» jobasy boiynsha berilgen joldama arqyly «ER-DENT» JShS áńgimelesýden óttim. Men qazir osy uiymda tis dárigeri bolyp jumys isteimin jáne óz jumysyma óte rizamyn», – dedi Roza Tanjikova.
Shyǵys Qazaqstan oblysynda 2024 jyly «Kúmis jas» jobasy boiynsha 869 adamdy jumysqa ornalastyrý josparda bar.
