Foto: pexels.com
Qazaqstanda qumar oiyn oinaityn azamattarǵa nesie berý tártibin qatańdatý josparlanyp otyr, - dep habarlaidy Tengrinews.kz saity.
Tiisti buiryq jobasy "Ashyq NQA" saitynda jariialandy, qoǵamdyq talqylaý 20 qazanǵa deiin jalǵasady.
Qarjy naryǵyn retteý jáne damytý agenttigi qumar oiyn oinaityn adamdardyń tólem qabilettiligin baǵalaýdy usynyp otyr.
Qaryz alýshynyń tólem qabilettiligi bylai baǵalanady:
"Ataýly áleýmettik kómek alýshyǵa nemese oiyn biznesimen belsendi ainalysatyn tulǵaǵa tán belgileri bar qaryz alýshyǵa qatysty onyń tabysyn baǵalaý resmi kirisi boiynsha aiqyndalady.
Osy tarmaqtyń maqsattary úshin oiyn biznesine belsendi tartylǵan adamnyń belgileri bar qaryz alýshy dep sońǵy 6 (alty) aida oiyn biznesin uiymdastyrýshynyń paidasyna 300 000 (úsh júz myń) teńgeden astam somaǵa úshten asa tólem jasaǵan jeke tulǵa anyqtalǵan", - delingen jarlyq jobasynda.
Buiryqtyń tolyq mátinin myna siltemeden oqi alasyzdar.
