Forbes Kazakhstan jýrnaly «Atameken» ulttyq kásipkerler palatasynyń tóraǵasy Timýr Qulybaevty «Jyl biznesmeni» dep jariialady, dep habarlaidy "Ult aqparat".
«ALMEKS» jáne «Kipros» kompaniialary ieleriniń biri Timýr Qulybaev 2017 jyly Qazaqstandaǵy «eń yqpaldy» 50 biznesmenniń kóshin bastap tur. Qulybaev sońǵy ret budan bes jyl buryn Qazaqstandaǵy «eń yqpaldy» biznesmen atanǵan.
Basylym Qulybaevtyń yqpalynyń artýyna Kazkommertsbank pen «Halyq banktiń» birigýi, «saqtandyrý naryǵyndaǵy pozitsiiasynyń kúsheiýi, aviatsiia salasy men meditsina biznesinde tabysqa jetýi» úles qosqanyn aitady. Qulybaev majoritarlyq aktsioner sanalatyn Gemini Mining B.V. kompaniiasy 2016 jyldyń sońynda iri temir ken ornyn igeretin «Aqtóbe Temir BC» enshiles kásiporny» kompaniiasyndaǵy 50 paiyz úlesin Qazaq Mining Llp kompaniiasyna ondaǵan million dollarǵa satqan.
Buǵan qosa, Qulybaevtyń «Almeks Pliýs» kompaniiasy 49 paiyz aktsiiasyna ie «Kazakhstan Petrochemical Industries Inc.» (KPI) kompaniiasy 2016 jyly qyrkúiekte Shanhaida Qytaidyń Memlekettik damý bankimen Atyraý oblysynda alǵashqy birikken gaz himiiasy zaýytyn salý jobasy boiynsha nesie kelisimin jasasqan.
Forbes Kazakhstan Qazaqstan prezidenti Nursultan Nazarbaevtyń qyzy men kúieý balasy erli-zaiypty Dinara jáne Timýr Qulybaevtardyń árbiriniń dáýletin 2,1 milliard dollarǵa baǵalaidy.
