Qazaq halqynyń uly merekesi Naýryz meiramyna da az kún qaldy. Nazarlaryńyzǵa mektepaldy daiyndyq toptary úshin 22 naýryz meiramyna arnalǵan "Kúlimde, Naýryz kúlimde" atty stsenarii usynamyz.
(Zal naýryz merekesine sai bezendiriledi, N.Tilendievtiń «Ata tolǵaýy» kúii oinatylyp turady).
Júrgizýshi: Qurmetti ata-analar, qonaqtar, balalar, Naýryz meiramy qutty bolsyn! Sizderge densaýlyq, baqyt tileimiz, aq mol bolsyn! Olai bolsa búgingi naýryz merekesine arnalǵan «Kúlimde, Naýryz kúlimde» atty oiyn-saýyq sharamyzdy bastaiyq!
Júrgizýshi:
Toi dabylyn qaǵyp turǵan
Munda biz bar
Tyńdamaǵandaryńyz, tyńdańyzdar.
Naýryz toiy bastaldy,
Bir orynda turmańyzdar.
Ýa, jarańdar, jarańdar!
Kóńiliń bar alańdar.
Ata menen anań bar
Naýryz toiy bastaldy
Báriń beri qarańdar. (Ata-analar men qonaqtardy naýryz merekesimen quttyqtaý sóz mektepaldy daiarlyq tobymyzdyń tárbieshisi _________________ beriledi.
Júrgizýshi:
Uly halqym eseptesken
Ata saltyn eshkim teppegen, attap ketpegen
Myń páleden qutqarady bir bata
Adam bolmas bata estip óspegen.
Uly kúnde, halaiyq,
Qalai qarap qalaiyq
Sáigúliktei aǵaiyq
Jasyn bolyp janaiyq!
Ortamyzǵa atamyzdy shaqyryp
Aq batasyn alaiyq! ( Ortaǵa bata berý úshin Darhan ákeni shaqyramyz).
Ulys baqty bolsyn.
Ár kúnimiz jaqsy bolsyn
Dostyǵymyz berik bolsyn.
Ulys oń bolsyn
Aq mol bolsyn.
Qaida barsań, jol bolsyn.
Ulys baqty bolsyn
Tórt túlik aqty bolsyn!
Ulys bereke bersin.
Pále-jala jerge ensin.
Qaiǵy-ýaiym joq bolsyn.
Ulystyń uly kúni qutty bolsyn!
1-oqýshy:
Naýryzym – saltym, joǵalyp qaita tabylǵan
Shyraǵym bolyp aldymnan búgin jaǵylǵan.
Babamnyń úni aq bata berip jetkizgen
Ár qadamyńnan janyma meiirim tabylǵan.
2-oqýshy:
Qys ótip, qar erip,
Qulpyra kóktem jetip
Sharýanyń kenelgen
Meiramy ejelden
Qutty bolsyn, bul Naýryz!
Júrgizýshi:
Armysyz, álemniń altyn shyraǵy
Kún Ana! Qosh keldińiz!
Tórge shyǵyńyz.
Kún Ana: – O, qasietti Jer-Ana! Adamzat úshin saǵan basymdy iemin. Men seniń tabiǵat bailyǵyńa enetin taý-tasyńnan, jan-janýaryńnan bastap adamdaryńa deiin qýanysh-nuryn seýip, ár júrekke shat-kúlki syilap, siz úshin ózimniń gúl kóktemimdi, Arý kóktemimdi shaqyrǵaly turmyn.
Júrgizýshi: Búgin ulystyń uly kúni! Ata-babalarymyzdyń sózimen aitsaq aq túieniń qarny jarylǵan kún – Naýryz. Saltanatty Naýryzdy ortaǵa shaqyraiyq.
Shashý shashý – Jadyra ana.
Naýryz kelse, qut kelgeni, halaiyq!
Esik ashyp, shashý shashyp
El bolyp qarsy alaiyq!
Kún – Ana:
Zaryǵa kútken. Jańa jylym da keldi-aý!
Jańa jylym jarylqa, eski jylym, esirke,
Urpaǵymdy aman et!
Jamandyq ári ket, ári ket! (alystaidy)
Arý kóktemim, kele ǵoi!
Naýryz – kóktem:
Sálem anam – altyn kún!
Nur shýaǵy halqymnyń
Ashyq bolsyn aspanyń,
Aman bolsyn jas-náriń!
O, halaiyq! Jarańdar!
Qane, beri qarańdar!
Meshin jyly barshańdy
Keneltsin zor baqytqa
Bilmeńder bir sharshaýdy
Bóleńizder shattyqqa.
Án: «Naýryz bizdiń jańa jyl».
Kórinis: «Besikke salý».
3-oqýshy:
Kóktem toiy – ánnimiz,
Kórkem óner sánimiz
Óleń-ánmen toi sánin
Órnekteimiz bárimiz.
Jarqyraǵan jas nurly,
Jasa, naýryz, dástúrli.
Naýryz – kóktem:
Jainatamyn bar gúldi.
Sairatamyn bulbuldy –
Tógiltip án-jyrymdy
Meiram etem bul kúndi.
Bi: «Gúlder».
4-oqýshy:
Naýryzda kúlimdep
Kún nury tógildi
Ózgeshe búgin lep
Jelpiter kóńildi.
5-oqýshy:
Naýryzdy halqymyz
Jyl basy sanaidy.
Kónermes saltymyz
Kóktemdei araily.
Kórinis: «Tusaý keser»
6-oqýshy:
Ánim de saǵan, bilim de,
Qut qonaq óziń úiim de
Qýanysh syilap elime
Kúlimde, Naýryz, kúlimde
Naýryz jyly meshin jyly,
Qutty bolsyn halaiyq
Ulystyń uly kúni
Shyrqap ánge salaiyq.
Án: «Baqytty balalyq shaq».
7-oqýshy:
Naýryz – gúl kóktem
Sándi edi araily
Kúlimdep kún kóktem
Nur shashyp qaraidy.
Býsanyp jerim bai
Tósinde qalqyp án
Naýryz kóńildi án
Shattyǵy shalqyǵan.
Júrgizýshi:
Halqynyń ádep-saltyna
Oilana qarap túiin túi.
Shattyǵyn syilap jalpyǵa
Jalǵasa bersin án-kúi, bi!
Bi: «Jorǵa».
8-oqýshy:
Ónip ekken dánimiz.
Búrshik jardy baǵymyz.
Sáskede – jaz
Túnde – qys
Sekildi eken naýryz.
Tóldep jatyr malymyz
Qazan toly sary ýyz.
9-oqýshy:
Naýryz toiyn ádemi
Ájem eske túsirdi
Bizderge arnap ádeii
Naýryz kóje pisirdi.
Ashyldy da kebeje
Dám ázirleý bastaldy.
Ájem naýryz kójege
Jeti túrli as saldy. (Ortaǵa áje shyǵyp Naýryz kóje ákeledi).
Áje:
Ashyq bolsyn qas qabaq,
Taspen atqandy aspen at
Beitanys ta, tanys ta
Búgin tórde bas qonaq
Arpa, bidai, tary bar
Qatyq, malta taǵy bar
Ishiletin, jeitiniń
Bul kójede bári bar
10-oqýshy:
Kún men tún teńeldi
Jer shýaqqa keneldi
Sony toilar el endi
Naýryz toiy saltymyz,
«Kógersin» dep halqymyz
Kóshege tal egedi.
Áje:
Aý, atalar, analar!
Ainalaiyn balalar!
Jep-ishsin dep tamsanyp
Jeti túrli dám salyp
Naýryz kóje pisirdim
Quidym altyn tabaqqa
Qulshynyńdar tamaqqa
Bul kójeden tatyńdar
Bar qyzyqqa batyńdar.
11-oqýshy:
Ulys kúni qazan tolsaa
Ol jyly aq mol bolar
Uly kisiden bata alsa
Sonda oljaly jol bolar
Án: «Biz – ómirdiń gúlimiz».
Júrgizýshi:
Án qosylsyn sánińe!
Yrysty bop jańa jyl!
Baq darysyn bárińe!
Oi qosylyp oiyńa
Bas qosylyp boiyńa
Aman-esen jeteiik
Keler Naýryz toiyna.
Kelesi Naýryz toiynda kezdeskenshe qosh saý bolyńyzdar!
Uqsas jazbalar:
22 naýryz merekesine arnalǵan stsenarii
