Qul-Muhammed: Azamattardyń bir ótinishi de qaraýsyz qalmaidy

Keshe «Nur Otan» partiiasy Tóraǵasynyń birinshi orynbasary azamattardyń qabyldaýyn ótkizdi.  Partiianyń respýblikalyq qoǵamdyq qabyldaýynda ótken is-sharada Muhtar Qul-Muhammed otbasylyq úlgidegi Qyzylorda balalar aýylynyń direktorymen, múgedekpen, almatylyq fermermen jáne Kókshetaý meditsinalyq kolledjiniń stýdentimen kezdesti.  

«Atameken» balalar úiiniń jetekshisi Liza Skalova «Nur Otan» partiiasynyń respýblikalyq qoǵamdyq qabyldaýyna kómek surai kelipti. Onyń tárbielenýshisi Medet Dali Máskeý memlekettik qurysh jáne qorytpa institýtyna oqýǵa túsipti, biraq stipendiia almaityn jetim bala kómekke zárý.

M.Qul-Muhammed «Nur Arman» jańa partiialyq jobasy arqyly bolashaq metallýrgke qarjylyq kómek kórsetýge tapsyrma berdi. Atalǵan joba sheńberinde «Nur Otan» jaǵdaiy tómen otbasylardan shyqqan qazaqstandyq jastar men jetimderdiń álemniń jetekshi JOO-da bilim alýyna múmkindik týǵyzyp keledi. Liza Skalova óz sózinde kúrdeli kezeńge tap bolǵan jas qazaqstandyqtarǵa kórsetip jatqan zor qamqorlyǵy úshin partiia Tóraǵasy Nursultan Nazarbaevqa shyn júrekten bildirgen alǵysyn jetkizýin surady.

Respýblikalyq qoǵamdyq qabyldaýǵa kelgen Temirtaýdaǵy №21 mekteptiń túlegi Dmitrii Mischanchýkke de kómek qoly sozyldy. Ol biyl UBT-nyń mejelik deńgeiinen óte almapty. Jas jigit osyǵan orai partiiadan járdem surady.  M.Qul-Muhammed jigittiń ýájin tyńdap shyǵyp, oǵan Memleket basshysynyń tapsyrmasymen «Nur Otannyń» biylǵy jyly Ulttyq biryńǵai testileýdi tapsyra almaǵan túlekterdi jumysqa ornalastyratyn respýblikalyq jobany iske qosqanyn tilge tiek etti. M.Qul-Muhammed Temirtaýdaǵy partiianyń qalalyq filialymen beinekonferentsiia bailanysy arqyly habarlasyp, D.Mischanchýkke jumys taýyp berýdi tapsyrdy. Mine, osylaisha bul másele jarty saǵattyń ishinde sheshildi. Ol «Imstalkon Temirtaý» zaýytyna jumysqa ornalasatyn boldy, biraq aldymen kásiporynnyń qaramaǵyndaǵy arnaiy bilim berý ortalyǵynda oqidy.

M.Qul-Muhammed «Nur Otan» partiia­synyń 11-synypty támamdap, Ulttyq biryńǵai testileýden óte almaǵan myńda­ǵan jasqa kómek qolyn sozǵanyna toq­tal­dy. Qazirgi kezde Ulttyq biryńǵai testi­leýdi tapsyra almaǵan nemese oǵan tipti qatys­paǵan 50 myń jastyń endi 5 myńy­na ǵana kó­mek kórsetý qaldy. Atalǵan jumysty Táýel­sizdik kúnine deiin aiaqtaý josparlanýda.

«Nur Otan» partiiasy Tór­aǵa­synyń birinshi orynbasarynyń qa­byldaýynda 18 jastaǵy elordanyń turǵyny Arkadii Gýbarev ta boldy. Jas jigit – I toptaǵy múgedek, diag­nozy – sal aýrýy. Eki jyl boiy ol Qazaq tehnologiia jáne biznes ýniversiteti janyndaǵy kolledj­de qashyqtyqtan oqý negizinde bilim alǵan, biraq, otbasyndaǵy qarjylyq jaǵdaiǵa bailanysty onyń oqýynyń aqshasyn tólei alatyn múmkindigi joq.

M.Qul-Muhammed syr­qa­tyna qaramastan ózin ózi damytý men bilimin jetildirýge umtylysy kúshti jas jigitti maqtap ótti. Partiia Tóraǵasynyń birinshi orynbasary oǵan «Kedergisiz keleshek» dep atalatyn «Nur Otannyń» aýqymdy jo­basynyń bar ekenin aityp berdi. Jobanyń maqsaty – múmkindigi shekteýli jandarǵa júieli qoldaý kórsetý. M.Qul-Muhammed áńgimesin túiindep bolyp A.Gýbarevqa qarjylyq kómek kórsetý máselesin sheship berdi. Óz kezeginde jas jigit kolledjdi úzdik bitirip shyǵyp, Qazaqstannyń damýyna úlesin qosýǵa ýáde berdi.

Almaty oblysynyń 57 jasar fermeri Talǵat Aldamjarovtyń tarihy jas Arkadii úshin jarqyn mysal bola alady. «Nur Otan» partiiasy Tóraǵasynyń birinshi orynbasarymen ol beinebailanys arqyly sóilesti. Ol da arbaǵa tańylǵan múgedek, biraq bul jaǵdai oǵan alma baǵyn egýge, mal satyp alýyna, júgeri, jońyshqa, soia ósirýine kedergi keltire alǵan joq. Búgingi kúni T.Aldamjarovtyń sharýa qojalyǵy gúldenýde, endi ol ony keńeitkisi keledi. Fermer sút fermasynyń qurylysyn bastaý úshin nesie alýǵa kómektesýin surap  «Nur Otan» partiiasyna ótinish bildirdi.

M.Qul-Muhammed onyń  josparyn tolyq qoldap, Memleket basshysynyń tapsyrmasymen «Aýyl turǵyndaryn jumyspen qamtý» biregei jobasynyń iske qosylǵanyn aityp, onda qazaqstandyqtardyń biznes-bastamasyna shaǵyn nesie berý múmkindigi qarastyrylǵanyn eske saldy.  Endeshe, T.Aldamjarovtyń máselesi sheshildi  desek te bolady. Partiia oǵan qoldaý kórsetýge ázir.

M.Qul-Muhammed Kókshetaý meditsi­na­lyq kolledjiniń 2-kýrs stýdenti Kristina Pavlovany jaǵymdy jańalyqtan habar­dar etti. Boijetken tabiǵi tamaq boiaǵyshtary óndi­risine bailanysty joba ázirlep shyǵa­rypty. Alaida, ony iske asyrý úshin K.Pavlovaǵa bastapqy kapital kerek.

«Nur Otan» partiiasy Tóraǵasynyń birinshi orynbasary oǵan «NURINTECH» respýblikalyq baiqaýyna qatysý úshin, búkil respýblika boiynsha qazaqstandyq jastardyń innovatsiialyq zerttemelerin irikteýdiń júrip jatqanyn aitty. Onyń jeńimpazdary óz ideialaryn ómirde iske asyrý úshin grant alady. K.Pavlova bul jańalyqqa qatty qýandy. Ol óziniń osy baiqaýda jeńiske jetetinine senimdi.

Azamattardy qabyldaý is-sharasyn qorytyndylaǵan Muhtar Qul-Muhammed biylǵy jyly «Nur Otan» partiiasynyń qoǵamdyq qabyldaýyna 194 myńnan astam qazaqstandyqtardyń ótinish bildirgenine toqtaldy. Onyń ishinde 76 myńnan astam azamat óz  ótinishterin «Elektrondyq partiia» júiesi arqyly jetkizgen. Elimizdiń barlyq óńirlerindegi turaqty jumys istep jatqan qoǵamdyq qabyldaýlarynda partiia jetekshileri, ministrler, ákimder, memlekettik organdar, kommýnaldyq kásiporyndar men ulttyq kompaniialardyń ókilderi halyqpen jii kezdesip turady. Biylǵy jyly tap osyndai 20 myńnan astam qabyldaý boldy. Jurttyń aitqan kóptegen máseleleri sol jerde sheshilýde. Qosymsha pysyqtaýdy talap etetin máselelerdi partiia óz baqylaýyna alýda.

«Nur Otan» partiiasy Tóraǵasynyń birinshi orynbasary azamattardyń birde-bir ótinishiniń nazardan tys qalmaitynyn aityp, qoǵamdyq qabyldaýlardyń jumysy «Nur Otan» qyzmetiniń basym baǵyty bolyp tabylatynyn atap kórsetti.

«Bizdiń esigimiz qazaqstandyqtarǵa árdaiym ashyq», – dedi M.Qul-Muhammed.