Astanada «Qazaqstan Respýblikasyn indýstriialyq-innovatsiialyq damytýdyń 2015-2019 jyldarǵa arnalǵan memelekettik baǵdalamasynyń iske asyrylýy týraly» partiialyq tyńdaýlar bastaldy, dep habarlaidy QazAqparat tilshisi.
Jiynǵa «Nur Otan» partiiasy Tóraǵasynyń birinshi orynbasary Muhtar Qul-Muhamed, Parlament Májilisindegi «Nur Otan» fraktsiiasynyń jetekshisi Gúlmira Isimbaeva, Májilis tóraǵasynyń orynbasary Vladimir Bojko, Májilisi depýtattary, Investitsiialar jáne damý ministri Jeńis Qasymbek qatysýda.Tyńdaýlarǵa beinebailanys arqyly elimizdiń barlyq óńiri tikelei qosylǵan.
Otyrysty ashqan Muhtar Qul-Muhamed Elbasynyń tikelei bastamasymen táýelsizdik jyldarynda Qazaqstan ekonomikanyń shikizattyq emes sektoryn damytýda aýyz toltyryp aitarlyqtai jetistikterge qol jetkizgenin atap ótti. Tek sońǵy 7 jyldyń ishinde elimizde 500-ge jýyq jańa ónim túrlerin óndirý is qolǵa alynǵan. Búginde «Nur Otan» partiiasy óziniń sailaýaldy baǵdarlamasynda naqty kórsetilgen bazalyq salalar men innovatsiiany damytý mindetterin júzege asyrý baǵytyndaǵy jumystardy júrgizýde. Sonyń nátijesinde 2021 jyly elimizde túrli-tústi metallýrgiia eksporty 20 paiyzǵa ósedi dep kútilip otyr. Sondai-aq munai-gaz salasynda básekege qabilettilik artyp, energiiamen qamtamasyz etetin kásiporyndardyń aiasy keńeimek.
«Elbasynyń tapsyrmasymen indýstriialyq-innovatsiialyq damý baǵdarlamasy aiasynda 1000-nan astam jańa kásiporyn salyndy. Ony júzege asyrýǵa 5 trillion teńgeden astam qarajat bólindi. Elimizge búkil dúnie júzine tanymal asa iri kompaniialar kelip, milliardtaǵan dollar investitsiia saldy. Eń ozyq tehnologiialar ákelindi. Dál osy jańa kásiporyndar munai baǵasy úsh esege, barreline 150 AQSh dollarynan 50 AQSh dollarǵa deiin tómendegen kezde el ekonomikasynyń turaqty damýyn qamtamasyz etip otyr. Endeshe, bul Elbasy tapsyrmalarynyń ýaqytynda oryndalýyn qatań baqylaýǵa alýymyz kerek. «Nur Otan» partiiasy Elbasy tapsyrmalary men barlyq prezidenttik baǵdarlamalardyń oryndalýyna partiialyq baqylaý júrgizýdi jalǵastyra beredi», - dedi Muhtar Qul-Muhamed.
.jpeg)