Búgin jetinshi shaqyrylǵan QR Parlamentiniń birinshi sessiiasynda Prezident Qasym-Jomart Toqaev sot qyzmeti týraly aqparat qoǵam úshin neǵurlym qoljetimdi bolýy kerektigin atap ótti, dep habarlaidy "Ult aqparat".
«Sot qyzmeti týraly aqparat qoǵam úshin neǵurlym qoljetimdi bolǵany jón. Quqyq qorǵaý organdarynyń jumysyn da barynsha ózgertý qajet. Bul másele jóninde Joldaýymda naqty aittym. Biz azamattarmen ózara qarym-qatynastyń servistik modelin engizemiz. Qoǵamdyq qaýipsizdik jańa tsifrlyq tehnologiialardy qoldaný arqyly qamtamasyz etiledi. Parlament zań ústemdigi, adal báseke jáne jekemenshikti qorǵaý qaǵidattarynyń quqyqtyq negizin nyǵaita túsýi kerek», - dedi Memleket basshysy.
Osy oraida Prezident bul qaǵidattar múltiksiz oryndalatynyn atap ótti.
«Búginde birqatar zańnamalyq usynystar boiynsha jumys júrgizilip jatyr. Degenmen, áli de kóptegen tyń bastamalar kóterip, zańdar qabyldaý qajet», - dedi Q. Toqaev.
