Ánshi Altynai Jorabaevanyń qyzy toi kezinde bergen suhbatynda jeke ómirine qatysty kópshilik bile bermeitin jaittardy aitty, dep habarlaidy ult.kz.
Onyń aitýynsha, bolashaq jubaiymen eki jyl buryn ortaq tanystary arqyly tanysqan. Ol qarym-qatynastaǵy mańyzdy qadamdy ózi jasaǵanyn aityp, turmysqa shyǵý týraly usynysty alǵash bolyp ózi kótergenin jetkizdi. Ol tosynsyilardy unatpaitynyn, turmysqa shyǵýǵa ózi usynys tastaǵanyn aitty.
Sondai-aq jas kelinshek bolashaq jarynyń qazir ýniversitette bilim alyp júrgenin aitty. Onyń sózinshe, úilengennen keiin alǵashqy alty aida kúieý jigittiń ata-anasymen birge turýdy josparlap otyr.
Bul suhbat áleýmettik jeli qoldanýshylary arasynda qyzý talqylanyp, túrli pikirlerge sebep boldy.
