Áleýmettik jelide toi ústinde kúieý jigittiń óz anasynyń aldyna tizerlep, qolyna júzik taqqan videosy tarady. Kadrlar kópshilik arasynda qyzý pikirtalas týdyrdy, dep habarlaidy ult.kz.
Beinejazbada jigittiń qalyńdyqqa usynys jasaýǵa uqsas túrde anasynyń aldyna tizerlep otyrǵany kórinedi. Keiin ol anasynyń qolyna júzik taqqan.
Jeli qoldanýshylarynyń pikiri ekige bólindi. Biri bul áreketti anasyna degen qurmeti men erekshe yqylasyn bildirýdiń bir túri dep qabyldasa, endi biri mundai qimyldyń orynsyz ekenin aityp, synady.
Oqyrmandardyń keibiri anaǵa degen qurmet pen súiispenshilikti bildirýdiń ózge de joldary bar ekenin jazdy.
Al video avtorlary bul árekettiń naqty mán-jaiyn túsindirmegen. Qazir kadrlar áleýmettik jelide qyzý talqylanyp jatyr.
