Qyzylorda oblysynyń ákimi Qýanyshbek Ysqaqov Qyzylordadaǵy shyny zaýytynyń ashylý merzimin atady, dep habarlaidy "Ult aqparat".
«Shyny zaýyty búgingi tańda jumys istep tur. Merdiger kompaniialar kelesi jyldyń naýryzynda alǵashqy peshti iske qosyp, arada taǵy úsh ai ótkennen keiin Astana kúninde (6 shildede) alǵashqy synaq retindegi qazaqstandyq áinekti daiyndaidy. Ázirge sheshilmegen birqatar suraq bar. Shyny zaýyty boiynsha jergilikti atqarýshy organnyń óz mindettemesi baryn aita ketkim keledi. Ol – injenerlik-kommýnikatsiialyq infraqurylymdy júrgizip, temirjol jelisin jetkizip berý», - dedi Qýanyshbek Ysqaqov OKQ-da ótken baspasóz máslihatynda.
Ákimniń aitýyna qaraǵanda, temirjol jelisin tartý jumysy – osy jyldyń jeltoqsan aiynyń ortasynda aiaqtalady.
«Biz sonymen qatar, Qyzylorda oblysynyń indýstrialyq kartasyn ázirledik. Onyń ataýy – «Qyzylorda oblysynyń indýstriialyq múmkindikteri», - dedi Qýanyshbek Ysqaqov.
Eske sala ketsek, Qazaqstan Prezidenti Qasym-Jomart Toqaev osy jyldyń mamyrynda Qyzylorda oblysyndaǵy jumys saparynda óńir jurtshylyǵymen kezdesken kezde shyny zaýytynyń qurylysyn aiaqtaýdy tapsyrǵan bolatyn.
