قىزىلوردا وبلىسىنىڭ ەكٸمٸ قۋانىشبەك ىسقاقوۆ قىزىلورداداعى شىنى زاۋىتىنىڭ اشىلۋ مەرزٸمٸن اتادى, دەپ حابارلايدى "ۇلت اقپارات".
«شىنى زاۋىتى بٷگٸنگٸ تاڭدا جۇمىس ٸستەپ تۇر. مەردٸگەر كومپانييالار كەلەسٸ جىلدىڭ ناۋرىزىندا العاشقى پەشتٸ ٸسكە قوسىپ, ارادا تاعى ٷش اي ٶتكەننەن كەيٸن استانا كٷنٸندە (6 شٸلدەدە) العاشقى سىناق رەتٸندەگٸ قازاقستاندىق ەينەكتٸ دايىندايدى. ەزٸرگە شەشٸلمەگەن بٸرقاتار سۇراق بار. شىنى زاۋىتى بويىنشا جەرگٸلٸكتٸ اتقارۋشى ورگاننىڭ ٶز مٸندەتتەمەسٸ بارىن ايتا كەتكٸم كەلەدٸ. ول – ينجەنەرلٸك-كوممۋنيكاتسييالىق ينفراقۇرىلىمدى جٷرگٸزٸپ, تەمٸرجول جەلٸسٸن جەتكٸزٸپ بەرۋ», - دەدٸ قۋانىشبەك ىسقاقوۆ وكق-دا ٶتكەن باسپاسٶز مەسليحاتىندا.
ەكٸمنٸڭ ايتۋىنا قاراعاندا, تەمٸرجول جەلٸسٸن تارتۋ جۇمىسى – وسى جىلدىڭ جەلتوقسان ايىنىڭ ورتاسىندا اياقتالادى.
«بٸز سونىمەن قاتار, قىزىلوردا وبلىسىنىڭ يندۋستريالىق كارتاسىن ەزٸرلەدٸك. ونىڭ اتاۋى – «قىزىلوردا وبلىسىنىڭ يندۋسترييالىق مٷمكٸندٸكتەرٸ», - دەدٸ قۋانىشبەك ىسقاقوۆ.
ەسكە سالا كەتسەك, قازاقستان پرەزيدەنتٸ قاسىم-جومارت توقاەۆ وسى جىلدىڭ مامىرىندا قىزىلوردا وبلىسىنداعى جۇمىس ساپارىندا ٶڭٸر جۇرتشىلىعىمەن كەزدەسكەن كەزدە شىنى زاۋىتىنىڭ قۇرىلىسىن اياقتاۋدى تاپسىرعان بولاتىن.
