Qyzylorda oblysynyń ákimi Qýanyshbek Ysqaqov Baiqońyr qalasynda týrizmdi damytý joldaryn atady, dep habarlaidy "Ult aqparat".
Oblys basshysy Baiqońyr kesheni men qalanyń ózinde erkin ekonomikalyq aimaq qurý jumysy júrgizilip jatqanyn aityp berdi.
«Biz Baiqońyrǵa qatysty erkin ekonomikalyq aimaq tujyrymdamasyn ázirlep qoidyq. Erkin ekonomikalyq aimaqtyń basty baǵyttarynyń biri – týrizmdi damytý. Bizdiń respýblikanyń týristik kartalarynyń ondyǵyna kiretin týristik-saýyqtyrý aýmaǵy bar. Ózderińiz biletindei, Baiqońyr jabyq qala. Onda týrizm damymaǵan», - dedi Qyzylorda oblysynyń ákimi OKQ-da ótken baspasóz máslihatynda.
Qýanyshbek Ysqaqov ol jerde erkin ekonomikalyq aimaq qurylyp jatqannan keiin basty talaptardyń biri – halyqaralyq týrizmdi damytý bolatynyn aityp ótti.
«Meniń oiymsha, ol jerde týrizmdi damytý úshin jaily jaǵdai jasalady. Jańa nysandar boi kóterip, halyqaralyq standarttarǵa sai keletin jańa qonaq úiler, mýzeiler men pavilondar, ǵarysh zymyrandaryn baqylaýǵa bolatyn alańdar salynady», - dedi ákim.
