قىزىلوردا وبلىسىنىڭ ەكٸمٸ قۋانىشبەك ىسقاقوۆ بايقوڭىر قالاسىندا تۋريزمدٸ دامىتۋ جولدارىن اتادى, دەپ حابارلايدى "ۇلت اقپارات".
وبلىس باسشىسى بايقوڭىر كەشەنٸ مەن قالانىڭ ٶزٸندە ەركٸن ەكونوميكالىق ايماق قۇرۋ جۇمىسى جٷرگٸزٸلٸپ جاتقانىن ايتىپ بەردٸ.
«بٸز بايقوڭىرعا قاتىستى ەركٸن ەكونوميكالىق ايماق تۇجىرىمداماسىن ەزٸرلەپ قويدىق. ەركٸن ەكونوميكالىق ايماقتىڭ باستى باعىتتارىنىڭ بٸرٸ – تۋريزمدٸ دامىتۋ. بٸزدٸڭ رەسپۋبليكانىڭ تۋريستٸك كارتالارىنىڭ وندىعىنا كٸرەتٸن تۋريستٸك-ساۋىقتىرۋ اۋماعى بار. ٶزدەرٸڭٸز بٸلەتٸندەي, بايقوڭىر جابىق قالا. وندا تۋريزم دامىماعان», - دەدٸ قىزىلوردا وبلىسىنىڭ ەكٸمٸ وكق-دا ٶتكەن باسپاسٶز مەسليحاتىندا.
قۋانىشبەك ىسقاقوۆ ول جەردە ەركٸن ەكونوميكالىق ايماق قۇرىلىپ جاتقاننان كەيٸن باستى تالاپتاردىڭ بٸرٸ – حالىقارالىق تۋريزمدٸ دامىتۋ بولاتىنىن ايتىپ ٶتتٸ.
«مەنٸڭ ويىمشا, ول جەردە تۋريزمدٸ دامىتۋ ٷشٸن جايلى جاعداي جاسالادى. جاڭا نىساندار بوي كٶتەرٸپ, حالىقارالىق ستاندارتتارعا ساي كەلەتٸن جاڭا قوناق ٷيلەر, مۋزەيلەر مەن پاۆيلوندار, عارىش زىمىراندارىن باقىلاۋعا بولاتىن الاڭدار سالىنادى», - دەدٸ ەكٸم.
