Májilismen Qýanysh Sultanov Muhtar Tinekeevtiń depýtatttyq korpýstan ketkeninen ókinishi bildirdi, - dep habarlaidy "Ult aqparat" kaz.tengrinews.kz portalyna silteme jasap.
"Ókinishti (Tinikeevtiń ornynan ketýi - avtor eskertpesi), onyń ústine ol meniń kóz aldymda ósken edi. Ol - sondai belsendi, saiasi bilim, saiasi salmaq jinaqtaǵan adam. Men onyń sheshimi qanshalyqty jyldam qabyldanǵanyn bilmeimin, bul sheshimdi sanaly túrde qabyldady dep esepteimin. Bul - onyń minezine sai. Ol jańyldy, osyndai qatelik jasady", - dedi depýtat Qýanysh Sultanov.
"Depýtatqa mundai qylyq jat. Biz muny oǵan aittyq. Ol neniń ne ekenin jaqsy biledi. Munyń sabaq bolǵanyn moiyndady. Dostyq sabaǵy. Bala kezden bergi dostar, bul olardyń arasyndaǵy ara qatynas. Sonymen qatar, bul jaǵdai depýtattyq korpýs úshin de sabaq boldy, árine, depýttattyq korpýs azamattyq ustanymy bar, oń men solyn tanyǵan adamdardan quralǵan. Al adamdardyń jeke mádenieti bar", - dedi májilismen.
Qýanysh Sultanov Tinekeevti burynǵysynsha jaqsy jaǵynan biletinin aitady. Onyń sózinshe, Tinikeev BAQ-pen jaqsy qarym-qatynasta bolǵan, onyń imidji de bar edi jáne ol árdaiym týra aitatyn, Parlamentte de óte belsendi bolǵan. Sonymen birge, ol osy qadamy arqyly halyq aldyndaǵy abyroiyn saqtap qalǵanyn aitady májilismen.
Gleb Shegelskiidiń sózinshe, Muhtar Tinikeev qazir Qaraǵandyda ekenin aitty. "Onyń anasy syrqattanyp qaldy, ol 90 jasta", - deidi depýtat. Al Tinikeevtiń óziniń densaýlyǵy jaiynda Shegelskii ázirge oǵan júrgeine ota jasaýǵa tiym salynǵanyn aitty.
Eske salaiyq, taiaýda Muhtar Tinikeev jaily daýly video Jelide jariia bolǵan edi. 20 jeltoqsanda taralǵan videoda Májilis depýtaty basqa bir depýtatpen dóreki sóilesip, shapalaqpen urady. Rolikte bylapyt sózder aitylady.
Tinikeevtiń ózi bastapqyda bul videonyń eki jyl buryn ázil ekenin málimdegen, alaida Tengrinews.kz tilshisi oqiǵanyń 2016 jyldyń jeltoqsan aiynyń ortasynda bolǵanyn anyqtady.
Keiin Muhtar Tinikeevtiń júregi syr berip, aýrýhaǵa túsken bolatyn.
.jpeg)