«Kemeńgerliktiń 30 jyly» konferentsiiasy tarihtan sabaq alýǵa múmkindik berdi. QR Parlament Májilisiniń depýtaty Qýanysh Sultanov osylai deidi, dep habarlaidy QazAqparat tilshisi.
«Bizdiń kópshiligimiz, osynda otyrǵan zamandastar eki dáýirde ómir súrip kelemiz. Búgingi kezdesýimiz keibir sholaqtaý oilaityn zamandastarymyz baǵalaǵandai, ótkendi ańsaý emes. Búgin tarihtan sabaq alyp, ósý joldarymyzdy jadymyzda saqtadyq, teńsizdikten arylyp, eldikke qol jetkizýdiń qadir-qasietin túsindik. Sizdiń el basshylyǵynda qyzmet etken 30 jylyńyzǵa orai ótip jatqan konferentsiiaǵa Qasym-Jomart Toqaev ekeýińiz qatysyp, sóz sóilegenderińiz - yntymaqtyń, bilik birliginiń úlgisi. Naǵyz memlekettik órkendeý sabaqtastyǵynyń aiqyn kórinisi desek bolady. Búgingi baiandamańyzdy tolqymai tyńdaý múmkin emes. Men buny sizdiń atqarǵan paryzyńyzdyń kodeksi dep qabyldadym», - dedi Qýanysh Sultanov.
Aita keteiik, búgin Almatyda QR Tuńǵysh Prezidenti Nursultan Nazarbaevtyń saiasi kóshbasshylyq fenomenin zertteýge arnalǵan «Kemeńgerliktiń 30 jyly» halyqaralyq ǵylymi konferentsiia ótip jatyr. Konferentsiiaǵa QR Prezidenti Qasym-Jomart Toqaev pen Elbasy Nursultan Nazarbaev qatysty.
.jpeg)