Foto: instagram.com/kukabeisek
"Irina Kairatovna" tobynyń klipteriniń bas rejisseri Qýanysh Beisekov jobadan ketti. Bul týraly ol Instagram-daǵy paraqshasynda aitty, - dep habarlaidy Tengrinews.kz portaly.
"Post sirek salamyn, sol sebepti osy sátti qoldanyp oqyrmandarymdy táýelsizdikke jetken kúnimizben quttyqtaǵym kelip tur. Ultymyzdy tańdamasaq ta, qazaq bolyp, táýelsizdikti endi alǵan zamanda jaidan-jai týmaǵanymdy kúnnen-kúnge qatty sezinip kelemin.
Taǵy da aitarym, men "Irina Kairatovna" jobasynan kettim. Ári qarai ózimniń Yelimai education qorym arqyly qazaq tarihy men etnografiiasyn jeńil túrde jetkizýge bel býdym. Balalarmen birge bárimiz úlken zattardy armandap, sýyq Astanada jumysymyzdy bastap edik.
"Irina Kairatovna" - árdaiym júregimde erekshe oryn alatyn joba. Aldiiar, Azamat, Ilia, Jaslan jáne Ulanǵa úlken raqmet, sendersiz qaida bolatynymdy bilmeidi ekenmin. Beretinimdi berdim dep oilaimyn, ary qarai jańa belesterge jol tarttym", - dedi Beisekov.
"Irina Kairatovna" shyǵarmashylyq tobynyń músheleri - Azamat Marklenov, Aldiiar Japarhanov, Ilia Gýmennyi jáne Jasulan Ońǵarov jobany EUÝ qabyrǵasynda qurǵan. Bastapqyda jigitter vaindar men sketchter túsirdi, keiinirek olar mýzykalyq topqa ainaldy.
