- «Habar» Agenttigi Qanat Aqylbaiuly Sahariianovtyń 2016 jyldyń 12 jeltoqsanynan bastap basqarma tóraiymynyń orynbasary jáne Tileýjan Temiráliuly Tileshovtiń 2016 jyldyń 9 jeltoqsanynan bastap basqarýshy direktor qyzmetine taǵaiyndalǵanyn habarlaidy. Qanat Sahariianov basqarma tóraiymynyń orynbasary Aigúl Jumabaevanyń ornyn almastyrdy.
Sahariianov Qanat Aqylbaiuly 1975 jyldyń 13 qazan kúni Almaty qalasynda dúniege kelgen. 1997 jyly Qazaq memlekettik meditsinalyq ýniversitetiniń dáriger-stomatolog mamandyǵyn aiaqtaidy, 2001 jyly Qazaq ulttyq zań akademiiasynyń quqyqtaný fakýltetin bitirip, 2008 jyly Joǵary Frantsýz kommertsiia mektebinde MVA dárejesin alady. 2001-2006 jyldary «Habar» Agenttiginde zańger, 2006 jyldan 2012 jylǵa deiin «Habar» Agenttigi tóraǵasynyń birinshi orynbasary laýazymynda boldy. 2012 - 2014 jyldar aralyǵynda «Qazmedia Ortalyǵy» basqarýshy kompaniiasynyń Bas direktory qyzmetin atqardy. Osy ýaqytqa deiin Kommertsiialyq Televiziialyq arnanyń (KTK) Bas direktory qyzmetin atqardy. Qazaq, orys, aǵylshyn jáne japon tilderin jetik meńgergen. «Qazaqstan Respýblikasynyń táýelsizdigine 20 jyl» medalimen marapattalǵan.
Al Tileshov Tileýjan Temiráliuly 1981 jyldyń 26 tamyzynda Jambyl oblysynda dúniege kelgen. 2002 jyly Qazaq memlekettik basqarý akademiiasyn qarjy jáne kredit mamandyǵy boiynsha, sondai-aq 2008 jyly Qazaq memlekettik agrarlyq ýniversitetin zań fakýltetin támamdaǵan. 2016 jyldan «Qazteleradio» AQ Direktorlar keńesiniń múshesi. Sonymen birge «Prime Financial Solutions» AQ, «ONPF «Otan» AQ, «Aqtóbe TETs» AQ, «Samuryq Energo» AQ kompaniialarynyń Direktorlar keńesiniń músheliginde boldy. «Qazaqstan halqy Assambleiasyna 20 jyl», «Qazaqstan Respýblikasynyń konstitýtsiiasyna 20 jyl», «Qazaqstan Respýblikasynyń táýelsizdigine 20 jyl», «Qazaqstan Respýblikasy UQQ shekara qyzmeti Aviatsiialyq bazasyna 80 jyl» medaldarymen jáne Halyqaralyq Ekologiia Palatasynyń Qurmetti professory diplomymen marapattalǵan.
.jpeg)