Qashqyn tyshqannyń álegi nemese meńdegen meningit...
Otar beketiniń qasyndaǵy Gvardeiskii qalashyǵynda Biologiialyq qaýipsizdik máseleleriniń ǵylymi-zertteý institýty bar. Sol ortalyqtan sekseninshi jyldary bir tyshqan qashypty. Jái tyshqan emes, oba dertiniń qozdyrǵyshy salynǵan tájiribelik maqsatta ósirilgen aq tyshqan. Ákem ol kezde sovxozda mal dárigeri edim deidi. Aimaqta dereý karantin jariialanǵan. Kórshiles jatqan Otar, Mátibulaq, Aqterek, Shilibastaý, Qopa, Kenen aýyldarynyń qoradaǵy malynan, kúrkedegi taýyǵy, kóshedegi it pen mysyǵyna deiin qan alyp, túgel tekserip, obaǵa qarsy vaktsina salyp shyǵypty. Kúnde Mátibulaqta shuǵyl jinalys, kúnde qystaýlardy aralap, úidi-úige kirip mal dárileimiz deidi. Bir tyshqannyń kesirinen eki aidai shapqylaǵan kórinedi. Ábúiir bolǵanda aýrý taralmaǵan. Mal-jan aman shyqqan. Ákem osy oqiǵany aitqanda kúlgenmin, bir tyshqanǵa bola shala búlinip, túrmeden qylmysker qashqandai dúrligip dep...
P.S. KSRO "qorqaq" eken, Qazaqstan "batyr" shyqty. Bir tyshqanǵa bola búkil bir aýdandy jaýyp, karantin jariialady, qorqaq emegende ne?! Onshaqty kúnde onnan astam adamnan airylsaq da myńq etpei otyrmyz, naǵyz "batyrlyq"-dep osyny ait! Bas batyr: "eki myńǵa jetsin, karantindi sosyn kórermiz"-deidi basty qarýy vaktsinasynyń joqtyǵyn bildirmei nyǵyzdanyp. Terezeni ashyp, jeldetip qoiyńdar dep keńes beredi. Ólim-jitimdi eseptegende burynǵy jyldardyń kórsetkishin jipke tizedi. Sol arqyly úirenshikti jaǵdai ǵoi degensidi. Ainalasy onshaqty kúnniń ishinde onshaqty adamnyń ólýi buryn bolmaǵanyn aitqysy kelmeidi. Álde, aitqyzbasy aitqyzbaidy. Basynda balalar ketip edi, endi eresekterge aýyz salypty. Ónertapqysh ǵalym Seiilbek Qyshqashuly marqum: "sender batyrsyńdar, men qorqaqpyn. Qazaqtyń bolashaǵyn oilaýdan qorqamyn"-degen edi bir suhbatynda. Shynymen "batyr" ekenbiz.
Esbolat Aidabosynnyń feisbýktegi jazbasynan
