قاشقىن تىشقاننىڭ ەلەگٸ نەمەسە مەڭدەگەن مەنينگيت...
وتار بەكەتٸنٸڭ قاسىنداعى گۆاردەيسكيي قالاشىعىندا بيولوگييالىق قاۋٸپسٸزدٸك مەسەلەلەرٸنٸڭ عىلىمي-زەرتتەۋ ينستيتۋتى بار. سول ورتالىقتان سەكسەنٸنشٸ جىلدارى بٸر تىشقان قاشىپتى. جەي تىشقان ەمەس, وبا دەرتٸنٸڭ قوزدىرعىشى سالىنعان تەجٸريبەلٸك ماقساتتا ٶسٸرٸلگەن اق تىشقان. ەكەم ول كەزدە سوۆxوزدا مال دەرٸگەرٸ ەدٸم دەيدٸ. ايماقتا دەرەۋ كارانتين جارييالانعان. كٶرشٸلەس جاتقان وتار, مەتٸبۇلاق, اقتەرەك, شيلٸباستاۋ, قوپا, كەنەن اۋىلدارىنىڭ قوراداعى مالىنان, كٷركەدەگٸ تاۋىعى, كٶشەدەگٸ يت پەن مىسىعىنا دەيٸن قان الىپ, تٷگەل تەكسەرٸپ, وباعا قارسى ۆاكتسينا سالىپ شىعىپتى. كٷندە مەتٸبۇلاقتا شۇعىل جينالىس, كٷندە قىستاۋلاردى ارالاپ, ٷيدٸ-ٷيگە كٸرٸپ مال دەرٸلەيمٸز دەيدٸ. بٸر تىشقاننىڭ كەسٸرٸنەن ەكٸ ايداي شاپقىلاعان كٶرٸنەدٸ. ەبٷيٸر بولعاندا اۋرۋ تارالماعان. مال-جان امان شىققان. ەكەم وسى وقيعانى ايتقاندا كٷلگەنمٸن, بٸر تىشقانعا بولا شالا بٷلٸنٸپ, تٷرمەدەن قىلمىسكەر قاشقانداي دٷرلٸگٸپ دەپ...
P.S. كسرو "قورقاق" ەكەن, قازاقستان "باتىر" شىقتى. بٸر تىشقانعا بولا بٷكٸل بٸر اۋداندى جاۋىپ, كارانتين جارييالادى, قورقاق ەمەگەندە نە?! ونشاقتى كٷندە وننان استام ادامنان ايرىلساق دا مىڭق ەتپەي وتىرمىز, ناعىز "باتىرلىق"-دەپ وسىنى ايت! باس باتىر: "ەكٸ مىڭعا جەتسٸن, كارانتيندٸ سوسىن كٶرەرمٸز"-دەيدٸ باستى قارۋى ۆاكتسيناسىنىڭ جوقتىعىن بٸلدٸرمەي نىعىزدانىپ. تەرەزەنٸ اشىپ, جەلدەتٸپ قويىڭدار دەپ كەڭەس بەرەدٸ. ٶلٸم-جٸتٸمدٸ ەسەپتەگەندە بۇرىنعى جىلداردىڭ كٶرسەتكٸشٸن جٸپكە تٸزەدٸ. سول ارقىلى ٷيرەنشٸكتٸ جاعداي عوي دەگەنسيدٸ. اينالاسى ونشاقتى كٷننٸڭ ٸشٸندە ونشاقتى ادامنىڭ ٶلۋٸ بۇرىن بولماعانىن ايتقىسى كەلمەيدٸ. ەلدە, ايتقىزباسى ايتقىزبايدى. باسىندا بالالار كەتٸپ ەدٸ, ەندٸ ەرەسەكتەرگە اۋىز سالىپتى. ٶنەرتاپقىش عالىم سەيٸلبەك قىشقاشۇلى مارقۇم: "سەندەر باتىرسىڭدار, مەن قورقاقپىن. قازاقتىڭ بولاشاعىن ويلاۋدان قورقامىن"-دەگەن ەدٸ بٸر سۇحباتىندا. شىنىمەن "باتىر" ەكەنبٸز.
ەسبولات ايدابوسىننىڭ فەيسبۋكتەگٸ جازباسىنان
