video kadry
Jelide "Krokýs siti hollda" terakt jasady degen kúdikpen ustalǵandardan jaýap alý sáti túsirilgen video jariialandy, - dep habarlaidy «Ult aqparat» Tengrinews.kzke silteme jasap.
RIA Novosti saitynyń jazýynsha, olardyń biri 4 naýryzda Túrkiiadan Reseige ushyp kelgenin málimdeidi. Onyń aitýynsha, Túrkiiada onyń "qujattary aiaqtalyp", shekaradan ótken.
Ustalǵan er adam bir ai buryn kýrator telegram arqyly habarlasyp, qarý-jaraqpen qamtamasyz etkenin aitady. Oǵan zaldaǵy barlyq adamdy óltirý tapsyrylǵan jáne bul úshin million rýblge jýyq aqsha usynǵan. Jartysy aldyn ala kartaǵa aýdarylǵan, qalǵany tapsyrmany oryndaǵannan keiin ýáde etilgen. Ol qylmysty "ýaǵyzshynyń kómekshisimen" sóileskennen keiin jasaǵanyn aitady.
Jariialanǵan kadrlarda ol Fariddýn Shamsýtdin degenge uqsaityn aty-jónin aitady, sondai-aq týǵan kúnin – 1998 jyly 17 qyrkúiek.
Taǵy bir kúdikti tájik tilinde sóileidi, onyń sózderin kameradan tys adam aýdaryp tur. Ustalǵan adamnyń aitýynsha, olar "Dmitrovkada tasjol boiyndaǵy" hostelde turǵan, kólik satyp alǵan, "taksi júrgizýshisi bolyp jumys istegisi kelgen".
Keiinirek telegram-arnalarda úshinshi kúdiktiden jaýap alynǵan video paida boldy. Ol qamaýǵa alynǵannan keiin qulaǵyn qaýipsizdik kúshteri kesip alǵany aitylady. Er adam esimin Radjab Alizade dep ataǵan. Odan sybailastarymen birge qarýdy qaida tastaǵanyn suraǵanda, er adam naqty jaýap bere almady. Onyń aitýynsha, olar Briansk oblysyna qarýsyz kelgen.
Qaýipsizdik kúshteri aýdarmashynyń kómegimen taǵy bir kúdiktiden jansaqtaý bóliminde jaýap alǵan. Videoda, aldyn ala málimet boiynsha, 19 jastaǵy Faizov Mýhammadsobir.
Eske salaiyq, 23 naýryzǵa qaraǵan túni Reseilik Telegram-arnalar men BAQ-ta Máskeýde terakt bolǵany týraly aqparat tarady. Atys kezinde ǵimaratta 6200-ge deiin adam bolýy múmkin – sol kúni bolýy kerek kontsertke biletter túgelge jýyq satylyp ketken. Sońǵy málimetter boiynsha, 133 adam qaza taýyp, taǵy 140 adam jaralanǵan.
Artynsha Máskeýdegi teraktiniń hronologiiasy jariialandy.
