Aqtóbede kriptovaliýta men altyn saýdasyna investitsiia salý arqyly tabys tapqysy kelgen 46 jastaǵy zańger alaiaqtardyń qurbany boldy., dep habarlaidy ult.kz.
Jábirlenýshi ózi tanymaityn eki adammen bailanysqa shyǵyp, olardyń usynysyna senip, bir jarym jyl boiy aqsha aýdaryp otyrǵan. Nátijesinde keltirilgen shyǵyn kólemi 18 million teńgege jetken.
Aqtóbe oblystyq politsiia departamentiniń málimetinshe, jedel-izdestirý sharalary barysynda kúdiktiler anyqtalyp, politsiia bólimine jetkizilgen.
Aldyn ala derekter boiynsha, ustalǵandardyń investitsiialyq qyzmetke eshqandai qatysy bolmaǵan. Olar jábirlenýshiden alǵan qarajatty jeke qajettilikterine jumsaǵan.
Atalǵan fakti boiynsha Qylmystyq kodekstiń «Alaiaqtyq» baby boiynsha sotqa deiingi tergeý júrgizilip jatyr.
