Resei prezidentiniń baspasóz hatshysy Dmitrii Peskov Sergei Shoigýdyń "joǵalyp ketýi" týraly BAQ jariialaǵan aqparatqa pikir bildirdi, - dep habarlaidy Tengrinews.kz tilshisi RIA Novostige silteme jasap.
Dmitrii Peskovtyń aitýynsha, qazir qorǵanys ministri Sergei Shoigýdyń jumysy kóp.
"Arnaiy áskeri operatsiia júrgizilip jatyr. Árine, qazir BAQ-ta belsendilik tanytatyn ýaqyt emes. Bul túsinikti", - dedi Peskov Shoigýdyń aqparattyq keńistikten "joǵalyp ketýine" qatysty suraq qoiǵan jýrnalisterge.
"Agentstvo" basylymy ministrdiń densaýlyǵyna qatysty habarlama taratqan bolatyn. Peskov ol basylymdy tyńdaýdyń qajeti joq ekenin aitty. Ol bul suraqtardy Qorǵanys ministrligine qoiǵan durys ekenin aitty.
Buǵan deiin Aýstraliia Resei prezidenti Vladimir Pýtinge, sondai-aq qorǵanys ministri Sergei Shoigý men Resei syrtqy ister ministri Sergei Lavrovqa qarjylyq sanktsiialar salyp, elge kirýge tyiym salǵan bolatyn.
