رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ سەرگەي شويگۋدىڭ "جوعالىپ كەتۋٸ" تۋرالى باق جارييالاعان اقپاراتقا پٸكٸر بٸلدٸردٸ, - دەپ حابارلايدى Tengrinews.kz تٸلشٸسٸ ريا نوۆوستيگە سٸلتەمە جاساپ.
دميتريي پەسكوۆتىڭ ايتۋىنشا, قازٸر قورعانىس مينيسترٸ سەرگەي شويگۋدىڭ جۇمىسى كٶپ.
"ارنايى ەسكەري وپەراتسييا جٷرگٸزٸلٸپ جاتىر. ەرينە, قازٸر باق-تا بەلسەندٸلٸك تانىتاتىن ۋاقىت ەمەس. بۇل تٷسٸنٸكتٸ", - دەدٸ پەسكوۆ شويگۋدىڭ اقپاراتتىق كەڭٸستٸكتەن "جوعالىپ كەتۋٸنە" قاتىستى سۇراق قويعان جۋرناليستەرگە.
"اگەنتستۆو" باسىلىمى مينيستردٸڭ دەنساۋلىعىنا قاتىستى حابارلاما تاراتقان بولاتىن. پەسكوۆ ول باسىلىمدى تىڭداۋدىڭ قاجەتٸ جوق ەكەنٸن ايتتى. ول بۇل سۇراقتاردى قورعانىس مينيسترلٸگٸنە قويعان دۇرىس ەكەنٸن ايتتى.
بۇعان دەيٸن اۋسترالييا رەسەي پرەزيدەنتٸ ۆلاديمير پۋتينگە, سونداي-اق قورعانىس مينيسترٸ سەرگەي شويگۋ مەن رەسەي سىرتقى ٸستەر مينيسترٸ سەرگەي لاۆروۆقا قارجىلىق سانكتسييالار سالىپ, ەلگە كٸرۋگە تىيىم سالعان بولاتىن.
