Memleket basshysynyń tapsyrmasy boiynsha QR Qarjy naryǵyn retteý jáne damytý agenttigi kredit boiynsha tólem merzimin keiinge qaldyra alatyn shaǵyn jáne orta kásipkerlik sýbektilerdiń qyzmet túriniń tizimin keńeitti. Bul jóninde atalǵan agenttiktiń baspasóz qyzmeti habarlady.
Tiisti buiryq 26 mamyrda qabyldandy. Osy buiryqqa qosymshada qyzmet túrleriniń 357 jikteýishi bar.
Jańa tizbege tótenshe jaǵdaidy engizý saldarynan kóbirek zardap shekken salalar kirdi. Bul – saýda, óńdeýshi ónerkásip, kólik jáne qoimada saqtaý, turý jáne tamaqtaný, aqparat jáne bailanys, bilim berý jáne densaýlyq saqtaý salalary.
Eske sala keteiik, 11 mamyrda tótenshe jaǵdai rejimin qamtamasyz etý jónindegi memlekettik komissiianyń qorytyndy otyrysynda Prezident Qarjy naryǵyn retteý jáne damytý agenttigine Úkimetpen birlesip, nesie tólemin keiinge qaldyratyn salalar tizbesin keńeitýdi tapsyrǵan bolatyn.
«Bankter men basqa qarjy uiymdary kredit boiynsha tólem merzimin keiinge qaldyrýdy usynatyn salalar tizbesin keńeitý - biznesti qoldaýdyń taǵy bir sharasy bolady. Oǵan saýda, óńdeýshi ónerkásip, kólik jáne qoimada saqtaý, turý jáne tamaqtaný, aqparat jáne bailanys, bilim berý jáne densaýlyq saqtaý salalary engizilýi tiis», - dep atap ótti Memleket basshysy.
