Quqyq qorǵaý organdary ustalǵan adamdy birden qylmysker etip kórsetedi. Bul týraly QR Joǵarǵy sotynyń baspasóz hatshysy Aidos Sádýaqasov aitty, dep habarlaidy QazAqparat.
«Belgili bir sheneýnikti ne adamdy ustaǵan kezde is sotqa kelmei turyp, quqyq qorǵaý organdarymyz brifing ótkizip, kúdiktini halyqqa birden qylmysker sekildi kórsetedi. Alaida, sot protsesi barysynda ol adamnyń eshqandai qylmys jasamaǵany anyqtalady. Sol kezde qoǵam «ol adamdy nege bosatyp jiberdi?« dep shý kóteredi. Eger onyń qylmysy dáleldenbese, qalai sottaimyz? Mine, osyndai faktilerdi aldaǵy ýaqytta quqyq qorǵaý organdary birden jariia qylmaýy kerek. Adamǵa qylmysker, jemqor aiybyn taqpas buryn aq-qarasyn ajyratyp, dálelderi bolǵan kezde ǵana prokýratýranyń ruqsatymen jariialaý tiis», - dedi ol búgin Ortalyq kommýnikatsiialar qyzmetindegi baspasóz máslihatynda.
Onyń atap ótýinshe, QR Prezidenti janynan sot-quqyq reformalary jóninde 2 komissiia qurylǵan.
«Osy komissiianyń jumys toby qandai sharalar qabyldaý kerektigin ázirleidi. Daiyn bolǵanda sizderge qosymsha jariialaimyz», - dedi Aidos Sádýaqasov.
