QR Ulttyq ekonomika vitse-ministri taǵaiyndaldy, - dep habarlaidy "Ult aqparat" vedomstvonyń baspasóz qyzmetine silteme jasap.
29 jeltoqsanda vedomstvonyń jańa basshysy Timýr Súleimenov ózi isteitin ujymyna QR Ulttyq ekonomika vitse-ministrin tanystyrdy. Bul qyzmetke Aibatyr Jumaǵulov keldi. Ol osyǵan deiin "Qazaqstan Turǵynúibank" AQ basqarma basshysy qyzmetinde bolǵan. Ministr vitse-ministrge jańa jumys ornynda tabys tiledi.
Eske salaiyq, biyl 28 jeltoqsanda Timýr Súleimenov ulttyq ekonomika ministri bolyp taǵaiyndalǵan bolatyn. "Timýr Muratuly Súleimenov Qazaqstan Respýblikasynyń Ulttyq ekonomika ministri bolyp taǵaiyndalsyn", - delingen Memleket basshysy búgin qol qoiǵan qujatta.
Sondai-aq, Aqordanyń saitynda Memleket basshysynyń Jarlyqtarymen Qýandyq Bishimbaevtyń Qazaqstan Respýblikasynyń Ulttyq ekonomika ministri qyzmetinen, Erlan Ydyrysovtyń basqa jumysqa aýysýyna bailanysty Qazaqstan Respýblikasynyń Syrtqy ister ministri qyzmetinen bosatylǵany habarlandy.
.jpeg)