QR Ulttyq ekonomika ministri Timýr Súleimenov teńge baǵamyna qatysty pikir bildirdi, dep habarlaidy Ult.kz tilshisi QazAqparat agenttigine silteme jasap.
«Eki jyldan beri teńge erkin baǵam deńgeiinde, sáikesinshe bizdiń teńgeniń kez kelgen shetel valiýtasyna baǵamyn naryq kúshi anyqtaidy. Naryqqa kóptegen jaǵdailar áser etýi múmkin. Meniń oiymsha, qandai da bir qubylmaly ahýalǵa ǵana nazar aýdarýdyń reti joq. Bundai qubylystar baiqalyp turady. Teńge erkin baǵamǵa jiberilgennen keiin turaqty deńgeide tur jáne osyny eń basty jaǵdai dep sanaimyn. Biz osyǵan úirenýimiz kerek, sondyqtan baǵamdy kún saiyn nemese apta saiyn emes, aimen, toqsanmen jáne jartyjyldyqpen ólsheý kerek», - dedi ministr.
Budan bólek T. Súileimenov eýro baǵamynyń ósýi máselesine de toqtaldy.
«Eýro ainalysyndaǵy ahýalǵa toqtalsaq, bul turǵyda valiýtalyq juptar bar ekeni belgili. Barlyǵymyz Eýropalyq Odaqta ne bolyp jatqanyn baiqap júrmiz. Iaǵni bul jaǵdailar eýroǵa shaqqanda teńgeniń álsireýi qozǵalysyn bildermeidi, osy oraida eýronyń basqa valiýtalarǵa, onyń ishinde dollarǵa shaqqandaǵy baǵamynyń kúsheigenin baiqatýy yqtimal. EO-da ekonomikadaǵy, jumyssyzdyq salasynda aitarlyqtai jaqsy jańalyqtarǵa bailanysty ahýal ózgerip turady. Sondyqtan da bul taqyrypta valiýtalyq juptarǵa nazar aýdarǵan jón», - dep túsindirdi vedomstvo basshysy.
Munymen qosa ministr reseilik rýbldiń elimizdiń ulttyq valiýtasyna yqpaly jaiynda túsinik berdi.
«Shyn máninde reseilik áriptester jaqynda ózderiniń makroekonomikalyq boljamynyń bir bóligin jariialady. Qazirgi kezde boljam jańartylyp, rýbl 62 (dollarǵa shaqqanda) deńgeiinde tur. Meniń oiymsha, munai baǵasyna qatysty jáne Resei ekonomikasynyń damýyn eskere otyryp, olar ózderiniń kórsetkishin aiqyndady. Sondyqtan rýbl baǵamynyń kúrt ózeristeri bolmaidy. Bul turǵyda biz bir paradigmada jyljyp kelemiz», - dedi ministr.
