قر ۇلتتىق ەكونوميكا مينيسترٸ تيمۋر سٷلەيمەنوۆ تەڭگە باعامىنا قاتىستى پٸكٸر بٸلدٸردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«ەكٸ جىلدان بەرٸ تەڭگە ەركٸن باعام دەڭگەيٸندە, سەيكەسٸنشە بٸزدٸڭ تەڭگەنٸڭ كەز كەلگەن شەتەل ۆاليۋتاسىنا باعامىن نارىق كٷشٸ انىقتايدى. نارىققا كٶپتەگەن جاعدايلار ەسەر ەتۋٸ مٷمكٸن. مەنٸڭ ويىمشا, قانداي دا بٸر قۇبىلمالى احۋالعا عانا نازار اۋدارۋدىڭ رەتٸ جوق. بۇنداي قۇبىلىستار بايقالىپ تۇرادى. تەڭگە ەركٸن باعامعا جٸبەرٸلگەننەن كەيٸن تۇراقتى دەڭگەيدە تۇر جەنە وسىنى ەڭ باستى جاعداي دەپ سانايمىن. بٸز وسىعان ٷيرەنۋٸمٸز كەرەك, سوندىقتان باعامدى كٷن سايىن نەمەسە اپتا سايىن ەمەس, ايمەن, توقسانمەن جەنە جارتىجىلدىقپەن ٶلشەۋ كەرەك», - دەدٸ مينيستر.
بۇدان بٶلەك ت. سٷيلەيمەنوۆ ەۋرو باعامىنىڭ ٶسۋٸ مەسەلەسٸنە دە توقتالدى.
«ەۋرو اينالىسىنداعى احۋالعا توقتالساق, بۇل تۇرعىدا ۆاليۋتالىق جۇپتار بار ەكەنٸ بەلگٸلٸ. بارلىعىمىز ەۋروپالىق وداقتا نە بولىپ جاتقانىن بايقاپ جٷرمٸز. ياعني بۇل جاعدايلار ەۋروعا شاققاندا تەڭگەنٸڭ ەلسٸرەۋٸ قوزعالىسىن بٸلدەرمەيدٸ, وسى ورايدا ەۋرونىڭ باسقا ۆاليۋتالارعا, ونىڭ ٸشٸندە دوللارعا شاققانداعى باعامىنىڭ كٷشەيگەنٸن بايقاتۋى ىقتيمال. ەو-دا ەكونوميكاداعى, جۇمىسسىزدىق سالاسىندا ايتارلىقتاي جاقسى جاڭالىقتارعا بايلانىستى احۋال ٶزگەرٸپ تۇرادى. سوندىقتان دا بۇل تاقىرىپتا ۆاليۋتالىق جۇپتارعا نازار اۋدارعان جٶن», - دەپ تٷسٸندٸردٸ ۆەدومستۆو باسشىسى.
مۇنىمەن قوسا مينيستر رەسەيلٸك رۋبلدٸڭ ەلٸمٸزدٸڭ ۇلتتىق ۆاليۋتاسىنا ىقپالى جايىندا تٷسٸنٸك بەردٸ.
«شىن مەنٸندە رەسەيلٸك ەرٸپتەستەر جاقىندا ٶزدەرٸنٸڭ ماكروەكونوميكالىق بولجامىنىڭ بٸر بٶلٸگٸن جارييالادى. قازٸرگٸ كەزدە بولجام جاڭارتىلىپ, رۋبل 62 (دوللارعا شاققاندا) دەڭگەيٸندە تۇر. مەنٸڭ ويىمشا, مۇناي باعاسىنا قاتىستى جەنە رەسەي ەكونوميكاسىنىڭ دامۋىن ەسكەرە وتىرىپ, ولار ٶزدەرٸنٸڭ كٶرسەتكٸشٸن ايقىندادى. سوندىقتان رۋبل باعامىنىڭ كٷرت ٶزەرٸستەرٸ بولمايدى. بۇل تۇرعىدا بٸز بٸر پاراديگمادا جىلجىپ كەلەمٸز», - دەدٸ مينيستر.
