Qazaqstannyń Ulttyq banki jekelegen damýshy elderdiń valiýtalaryna sholý usyndy, dep habarlaidy QazAqparat.
«Saýda-sattyq qorytyndysy boiynsha 24 jeltoqsanda teńgeniń naryqtyq baǵamy bir apta ishinde 0,7 paiyzǵa (435,54 teńgeden) nyǵaiyp, bir AQSh dollary úshin 432,28 teńge deńgeiinde qalyptasty. Damýshy naryqtar valiýtalarynyń serpini oń boldy. Jahandyq investorlardyń táýekel-sentimentiniń jaqsarýy álemdik ekonomikaǵa Covid-19 jańa shtamynyń taralý zardaptarynyń az bolýyna qatysty kútýlerge bailanysty: aldyn-ala zertteýlerdiń qorytyndysy boiynsha, «delta» shtamyna qaraǵanda «omikron» shtamy kezinde aýrýhanaǵa jatqyzý yqtimaldyǵy tómen», - dep atap ótedi Ulttyq bankten.
Ulttyq bank málimetinshe, damýshy elder valiýtalarynyń AQSh dollaryna qatysty baǵamdarynyń serpini tómendegidei qalyptasty:
- túrik lirasy Túrkiia Úkimetiniń ulttyq valiýtany qoldaý sharalary týraly, onyń ishinde aiyrbas baǵamynyń álsireýi bankterdiń paiyzdyq mólsherlemelerin arttyrǵan jaǵdaida, depozitterin liramen ustaýshylardyń shyǵyndaryn óteý baǵdarlamasy týraly habarlaýy aiasynda 35,2%-ǵa (16,41-den 10,64-ke deiin);
- Ońtústik Afrika randy AQSh-tyń 31 jeltoqsannan bastap OAR-men áýe qatynasyn toqtata turýdyń kúshin joiý týraly habarlamalary aiasynda 2,1%-ǵa (15,88-den 15,55-ke deiin);
- Úndi rýpiiasy eksporttaýshylardyń ulttyq valiýtanyń odan ári nyǵaiýynan qaýiptenip, shetel valiýtasyn satýy aiasynda 1,4%-ǵa (76,09-dan 75,02-ge deiin);
- Indoneziia rýpiiasy koronavirýstyń jańa shtamyna qatysty qaýiptenýdiń azaiýy aiasynda 1,1%- ǵa (14 355-ten 14 197-ge deiin);
- Meksika pesosy mólsherlemeniń 5,5%-ǵa deiin 50 b.p. artýyna bailanysty kerri-treid operatsiialarynyń tartymdylyǵyn arttyrý aiasynda 1%-ǵa (20,83-ten 20,62-ge deiin);
- Resei rýbli salyq kezeńi men munai baǵasynyń ósýi aiasynda 0,6%-ǵa (74,1-den 73,62-ge deiin);
- Braziliia realy Ortalyq banktiń spot naryǵynda 500 mln AQSh dollaryn satý boiynsha aýktsion ótkizýi aiasynda 0,4%-ǵa (5,69-dan 5,67-ge deiin) nyǵaidy.
