قازاقستاننىڭ ۇلتتىق بانكٸ جەكەلەگەن دامۋشى ەلدەردٸڭ ۆاليۋتالارىنا شولۋ ۇسىندى, دەپ حابارلايدى قازاقپارات.
«ساۋدا-ساتتىق قورىتىندىسى بويىنشا 24 جەلتوقساندا تەڭگەنٸڭ نارىقتىق باعامى بٸر اپتا ٸشٸندە 0,7 پايىزعا (435,54 تەڭگەدەن) نىعايىپ, بٸر اقش دوللارى ٷشٸن 432,28 تەڭگە دەڭگەيٸندە قالىپتاستى. دامۋشى نارىقتار ۆاليۋتالارىنىڭ سەرپٸنٸ وڭ بولدى. جاھاندىق ينۆەستورلاردىڭ تەۋەكەل-سەنتيمەنتٸنٸڭ جاقسارۋى ەلەمدٸك ەكونوميكاعا Covid-19 جاڭا شتامىنىڭ تارالۋ زارداپتارىنىڭ از بولۋىنا قاتىستى كٷتۋلەرگە بايلانىستى: الدىن-الا زەرتتەۋلەردٸڭ قورىتىندىسى بويىنشا, «دەلتا» شتامىنا قاراعاندا «وميكرون» شتامى كەزٸندە اۋرۋحاناعا جاتقىزۋ ىقتيمالدىعى تٶمەن», - دەپ اتاپ ٶتەدٸ ۇلتتىق بانكتەن.
ۇلتتىق بانك مەلٸمەتٸنشە, دامۋشى ەلدەر ۆاليۋتالارىنىڭ اقش دوللارىنا قاتىستى باعامدارىنىڭ سەرپٸنٸ تٶمەندەگٸدەي قالىپتاستى:
- تٷرٸك ليراسى تٷركييا ٷكٸمەتٸنٸڭ ۇلتتىق ۆاليۋتانى قولداۋ شارالارى تۋرالى, ونىڭ ٸشٸندە ايىرباس باعامىنىڭ ەلسٸرەۋٸ بانكتەردٸڭ پايىزدىق مٶلشەرلەمەلەرٸن ارتتىرعان جاعدايدا, دەپوزيتتەرٸن ليرامەن ۇستاۋشىلاردىڭ شىعىندارىن ٶتەۋ باعدارلاماسى تۋرالى حابارلاۋى اياسىندا 35,2%-عا (16,41-دەن 10,64-كە دەيٸن);
- وڭتٷستٸك افريكا راندى اقش-تىڭ 31 جەلتوقساننان باستاپ وار-مەن ەۋە قاتىناسىن توقتاتا تۇرۋدىڭ كٷشٸن جويۋ تۋرالى حابارلامالارى اياسىندا 2,1%-عا (15,88-دەن 15,55-كە دەيٸن);
- ٷندٸ رۋپيياسى ەكسپورتتاۋشىلاردىڭ ۇلتتىق ۆاليۋتانىڭ ودان ەرٸ نىعايۋىنان قاۋٸپتەنٸپ, شەتەل ۆاليۋتاسىن ساتۋى اياسىندا 1,4%-عا (76,09-دان 75,02-گە دەيٸن);
- يندونەزييا رۋپيياسى كوروناۆيرۋستىڭ جاڭا شتامىنا قاتىستى قاۋٸپتەنۋدٸڭ ازايۋى اياسىندا 1,1%- عا (14 355-تەن 14 197-گە دەيٸن);
- مەكسيكا پەسوسى مٶلشەرلەمەنٸڭ 5,5%-عا دەيٸن 50 ب.پ. ارتۋىنا بايلانىستى كەرري-ترەيد وپەراتسييالارىنىڭ تارتىمدىلىعىن ارتتىرۋ اياسىندا 1%-عا (20,83-تەن 20,62-گە دەيٸن);
- رەسەي رۋبلٸ سالىق كەزەڭٸ مەن مۇناي باعاسىنىڭ ٶسۋٸ اياسىندا 0,6%-عا (74,1-دەن 73,62-گە دەيٸن);
- برازيلييا رەالى ورتالىق بانكتٸڭ سپوت نارىعىندا 500 ملن اقش دوللارىن ساتۋ بويىنشا اۋكتسيون ٶتكٸزۋٸ اياسىندا 0,4%-عا (5,69-دان 5,67-گە دەيٸن) نىعايدى.
