Qazaqstannyń depozitterge kepildik berý qory bazalyq mólsherlemeniń ósýine bailanysty teńgedegi depozitter boiynsha 2020 jyldyń naýryz ben sáýir ailaryna usynylǵan eń joǵary syiaqy mólsherlemesin qaita qarady.
Bul týraly Qazaqstannyń depozitterge kepildik berý qorynan habarlandy.
Qordyń resmi saityndaǵy málimetter boiynsha, aǵymdaǵy jyldyń 10 naýryzynan bastap Qazaqstan Respýblikasy Ulttyq bankiniń bazalyq mólsherlemesi jylyna 12 paiyz deńgeiinde bekitildi.
Eske sala ketsek, jeke tulǵalardyń qaitadan tartylǵan depozitteri boiynsha maksimaldy syiaqy mólsherlemesin anyqtaý jáne bekitý ádistemesine sáikes usynylǵan mólsherlemeler bazalyq mólsherleme ózgergende qaita qaralyp, ol bekitilgen kúnnen bastap kúshine enedi.
Ózgerister merzimsiz salymdarǵa qatysty boldy. Óitkeni bul salymdar Ulttyq banktiń bazalyq mólsherlemesi negizinde esepteledi. Sonymen mólsherlemeler 9,8 paiyzdan 12,5 paiyzǵa deiin ósti. Sonymen qatar 3 jáne 6 ailyq merzimdi depozitter jáne 3 ailyq jinaq aqsha salymy boiynsha mólsherlemeler de 13 paiyzǵa deiin joǵarylady.
Aita ketelik, atalǵan depozitter boiynsha mólsherlemeler myna mánderdiń eń úlkenine teń bolady: ortasha ólshemdi naryqtyq syiaqy mólsherlemesi pliýs spred nemese bazalyq mólsherleme pliýs spred.
