Ulttyq qaýipsizdik komiteti Nur-Sultan, Shymkent qalalary men 12 oblysta lańkestik qaýip deńgeii tómendegenin jáne terroristik qaýiptiń qyzyl deńgeii alynyp tastalǵanyn habarlady.
Qazir Qazaqstan Respýblikasynyń 14 óńirinde jaǵdai turaqtalǵan.
"Osy sebepti terrorizmge qarsy kúres jónindegi Respýblikalyq jedel shtab (RJSh) Nur-Sultan, Shymkent qalalary, Aqmola, Aqtóbe, Atyraý, Shyǵys Qazaqstan, Batys Qazaqstan, Qaraǵandy, Qyzylorda, Qostanai, Mańǵystaý, Pavlodar, Soltústik Qazaqstan jáne Túrkistan oblystary aýmaǵynda terrorizmge qarsy operatsiia aiaqtalǵanyn jáne terroristik qaýiptiń shekti qyzyl deńgeii joiylǵany týraly habarlaidy.
Bul rette, Almaty qalasynda, Almaty jáne Jambyl oblystarynda jappai tártipsizdik kezinde terroristik jáne ózge de qylmystyq áreketke qatysy bar adamdardy anyqtaý jáne ustaý boiynsha sharalar iske asyrylyp jatyr. Tiisinshe osy óńirlerde terrorizmge qarsy operatsiia jalǵastyrylyp, terroristik qaýiptiń shekti qyzyl deńgeii saqtalady", - delingen habarlamada.
