ۇلتتىق قاۋٸپسٸزدٸك كوميتەتٸ نۇر-سۇلتان, شىمكەنت قالالارى مەن 12 وبلىستا لاڭكەستٸك قاۋٸپ دەڭگەيٸ تٶمەندەگەنٸن جەنە تەرروريستٸك قاۋٸپتٸڭ قىزىل دەڭگەيٸ الىنىپ تاستالعانىن حابارلادى.
قازٸر قازاقستان رەسپۋبليكاسىنىڭ 14 ٶڭٸرٸندە جاعداي تۇراقتالعان.
"وسى سەبەپتٸ تەرروريزمگە قارسى كٷرەس جٶنٸندەگٸ رەسپۋبليكالىق جەدەل شتاب (رجش) نۇر-سۇلتان, شىمكەنت قالالارى, اقمولا, اقتٶبە, اتىراۋ, شىعىس قازاقستان, باتىس قازاقستان, قاراعاندى, قىزىلوردا, قوستاناي, ماڭعىستاۋ, پاۆلودار, سولتٷستٸك قازاقستان جەنە تٷركٸستان وبلىستارى اۋماعىندا تەرروريزمگە قارسى وپەراتسييا اياقتالعانىن جەنە تەرروريستٸك قاۋٸپتٸڭ شەكتٸ قىزىل دەڭگەيٸ جويىلعانى تۋرالى حابارلايدى.
بۇل رەتتە, الماتى قالاسىندا, الماتى جەنە جامبىل وبلىستارىندا جاپپاي تەرتٸپسٸزدٸك كەزٸندە تەرروريستٸك جەنە ٶزگە دە قىلمىستىق ەرەكەتكە قاتىسى بار ادامداردى انىقتاۋ جەنە ۇستاۋ بويىنشا شارالار ٸسكە اسىرىلىپ جاتىر. تيٸسٸنشە وسى ٶڭٸرلەردە تەرروريزمگە قارسى وپەراتسييا جالعاستىرىلىپ, تەرروريستٸك قاۋٸپتٸڭ شەكتٸ قىزىل دەڭگەيٸ ساقتالادى", - دەلٸنگەن حابارلامادا.
