Búgin QR Premer-Ministri Asqar Maminniń tóraǵalyǵymen ótken Úkimet otyrysy aiasynda QR Premer-Ministriniń Birinshi orynbasary – qarjy ministri Álihan Smaiylov osy jyldyń 5 aiyndaǵy memlekettik biýdjettiń atqarylý qorytyndylary týraly baiandady, dep habarlaidy "Ult aqparat" primeminister.kz saityna silteme jasap.
Qarjy ministrliginiń derekterine sáikes, 5 aidyń qorytyndysy boiynsha biýdjettiń barlyq deńgeilerinde kiristerdiń ósýi baiqalady: memlekettik biýdjette — 115%, respýblikalyq biýdjette — 119% jáne jergilikti biýdjette — 106%.
Esepti kezeńde memlekettik biýdjetke 3,8 trln teńge somasynda tabys tústi, bul jospardyń 105,4% qurady. Ótken jyldyń osyndai kezeńimen salystyrǵanda, biýdjet tabystary 510 mlrd teńgege artty. Jospar 2,7%-ǵa nemese 73 mlrd teńgege asyra oryndaldy.
«Asyra oryndaý negizinen salyqtar esebinen qamtamasyz etildi. Buǵan kelesi basty faktorlar yqpal etti: eksporttyq keden salyǵynyń mólsherlemesiniń ósýi jáne birqatar salalarda taýarlar men qyzmetter óndirisiniń artýy», — dedi Á. Smaiylov.
Tabystardy ákimshilendirýde negizgi nazar buzýshylyqtardyń joǵarǵy táýekeline ushyraityn salyq tóleýshilerge aýdaryldy. Bul jumys táýekelderdi basqarý júiesinde kameralyq baqylaý aiasynda júrgizildi. Kameralyq baqylaý nátijeleri boiynsha habarlamalar sany 2 esege artty. Sonyń nátijesinde óteýdiń úles salmaǵy 86%-ǵa jetti nemese onyń úlesi 7%-ǵa artty. Biýdjetke qosymsha 31 mlrd teńge tústi.
Jergilikti biýdjetter tabystary boiynsha jospar 120 mlrd teńgege asyra oryndalyp, 1,2 trln teńgeni nemese 113,4% qurady.
2018 jyldyń bes aiymen salystyrǵanda shyǵystardy oryndaý jaqsardy. Respýblikalyq biýdjet shyǵystary 4,9 trln teńgege igerildi. Ótken jyldyń 5 aiymen salystyrǵanda shyǵystar 1,2 trln teńgege artyq júrgizildi.
QR Premer-Ministriniń Birinshi orynbasary – qarjy ministri Álihan Smaiylov ortalyq jáne jergilikti organdar tarapynan memlekettik satyp alýlar rásimderin ýaqytyly aiaqtaýdyń mańyzdylyǵyn atap ótti.
Sondai-aq, Á. Smaiylov memlekettik aýdit jáne kameralyq baqylaý boiynsha júrgizilip jatqan jumystar týraly baiandady. 5 aida 1 462 aýditorlyq is-shara ótkizildi. Aýditpen 292 mlrd teńge biýdjet qarajaty qamtyldy. 48 mlrd teńge somasyna qarjylyq buzýshylyqtar anyqtaldy. Taýarlardy jetkizý, qyzmet kórsetý jáne jumystardy oryndaý arqyly jalpy 39 mlrd teńge somasyna qarajattar óteldi. Aýdit obektilerine qyzmetti jetildirý jáne tiimdilikti arttyrý boiynsha 1 170 usynym berildi. Olardyń 669-y oryndaldy. Qalǵany boiynsha jumystar júrgizilip jatyr.
4,5 trln teńge somasyna kameralyq baqylaýmen 676 myń memlekettik satyp alýlar qamtyldy. Tekserýlerdiń nátijesinde 261 mlrd teńge somasyna 13 593 rásim boiynsha memlekettik satyp alý týraly zańnamany buzýshylyqtar anyqtalǵan. Aýdit obektilerine buzýshylyqtardy joiý týraly 13 478 habarlama jiberildi. Sonyń nátijesinde, 215 mlrd teńge somasyna buzýshylyqtarǵa jol berilmedi. Olar konkýrstardyń qorytyndylarynyń sheshimderin boldyrmaý jáne konkýrs qujattamasyna ózgerister engizý arqyly sheshildi.
