بٷگٸن قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەت وتىرىسى اياسىندا قر پرەمەر-مينيسترٸنٸڭ بٸرٸنشٸ ورىنباسارى – قارجى مينيسترٸ ەليحان سمايىلوۆ وسى جىلدىڭ 5 ايىنداعى مەملەكەتتٸك بيۋدجەتتٸڭ اتقارىلۋ قورىتىندىلارى تۋرالى باياندادى, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
قارجى مينيسترلٸگٸنٸڭ دەرەكتەرٸنە سەيكەس, 5 ايدىڭ قورىتىندىسى بويىنشا بيۋدجەتتٸڭ بارلىق دەڭگەيلەرٸندە كٸرٸستەردٸڭ ٶسۋٸ بايقالادى: مەملەكەتتٸك بيۋدجەتتە — 115%, رەسپۋبليكالىق بيۋدجەتتە — 119% جەنە جەرگٸلٸكتٸ بيۋدجەتتە — 106%.
ەسەپتٸ كەزەڭدە مەملەكەتتٸك بيۋدجەتكە 3,8 ترلن تەڭگە سوماسىندا تابىس تٷستٸ, بۇل جوسپاردىڭ 105,4% قۇرادى. ٶتكەن جىلدىڭ وسىنداي كەزەڭٸمەن سالىستىرعاندا, بيۋدجەت تابىستارى 510 ملرد تەڭگەگە ارتتى. جوسپار 2,7%-عا نەمەسە 73 ملرد تەڭگەگە اسىرا ورىندالدى.
«اسىرا ورىنداۋ نەگٸزٸنەن سالىقتار ەسەبٸنەن قامتاماسىز ەتٸلدٸ. بۇعان كەلەسٸ باستى فاكتورلار ىقپال ەتتٸ: ەكسپورتتىق كەدەن سالىعىنىڭ مٶلشەرلەمەسٸنٸڭ ٶسۋٸ جەنە بٸرقاتار سالالاردا تاۋارلار مەن قىزمەتتەر ٶندٸرٸسٸنٸڭ ارتۋى», — دەدٸ ە. سمايىلوۆ.
تابىستاردى ەكٸمشٸلەندٸرۋدە نەگٸزگٸ نازار بۇزۋشىلىقتاردىڭ جوعارعى تەۋەكەلٸنە ۇشىرايتىن سالىق تٶلەۋشٸلەرگە اۋدارىلدى. بۇل جۇمىس تەۋەكەلدەردٸ باسقارۋ جٷيەسٸندە كامەرالىق باقىلاۋ اياسىندا جٷرگٸزٸلدٸ. كامەرالىق باقىلاۋ نەتيجەلەرٸ بويىنشا حابارلامالار سانى 2 ەسەگە ارتتى. سونىڭ نەتيجەسٸندە ٶتەۋدٸڭ ٷلەس سالماعى 86%-عا جەتتٸ نەمەسە ونىڭ ٷلەسٸ 7%-عا ارتتى. بيۋدجەتكە قوسىمشا 31 ملرد تەڭگە تٷستٸ.
جەرگٸلٸكتٸ بيۋدجەتتەر تابىستارى بويىنشا جوسپار 120 ملرد تەڭگەگە اسىرا ورىندالىپ, 1,2 ترلن تەڭگەنٸ نەمەسە 113,4% قۇرادى.
2018 جىلدىڭ بەس ايىمەن سالىستىرعاندا شىعىستاردى ورىنداۋ جاقساردى. رەسپۋبليكالىق بيۋدجەت شىعىستارى 4,9 ترلن تەڭگەگە يگەرٸلدٸ. ٶتكەن جىلدىڭ 5 ايىمەن سالىستىرعاندا شىعىستار 1,2 ترلن تەڭگەگە ارتىق جٷرگٸزٸلدٸ.
قر پرەمەر-مينيسترٸنٸڭ بٸرٸنشٸ ورىنباسارى – قارجى مينيسترٸ ەليحان سمايىلوۆ ورتالىق جەنە جەرگٸلٸكتٸ ورگاندار تاراپىنان مەملەكەتتٸك ساتىپ الۋلار رەسٸمدەرٸن ۋاقىتىلى اياقتاۋدىڭ ماڭىزدىلىعىن اتاپ ٶتتٸ.
سونداي-اق, ە. سمايىلوۆ مەملەكەتتٸك اۋديت جەنە كامەرالىق باقىلاۋ بويىنشا جٷرگٸزٸلٸپ جاتقان جۇمىستار تۋرالى باياندادى. 5 ايدا 1 462 اۋديتورلىق ٸس-شارا ٶتكٸزٸلدٸ. اۋديتپەن 292 ملرد تەڭگە بيۋدجەت قاراجاتى قامتىلدى. 48 ملرد تەڭگە سوماسىنا قارجىلىق بۇزۋشىلىقتار انىقتالدى. تاۋارلاردى جەتكٸزۋ, قىزمەت كٶرسەتۋ جەنە جۇمىستاردى ورىنداۋ ارقىلى جالپى 39 ملرد تەڭگە سوماسىنا قاراجاتتار ٶتەلدٸ. اۋديت وبەكتٸلەرٸنە قىزمەتتٸ جەتٸلدٸرۋ جەنە تيٸمدٸلٸكتٸ ارتتىرۋ بويىنشا 1 170 ۇسىنىم بەرٸلدٸ. ولاردىڭ 669-ى ورىندالدى. قالعانى بويىنشا جۇمىستار جٷرگٸزٸلٸپ جاتىر.
4,5 ترلن تەڭگە سوماسىنا كامەرالىق باقىلاۋمەن 676 مىڭ مەملەكەتتٸك ساتىپ الۋلار قامتىلدى. تەكسەرۋلەردٸڭ نەتيجەسٸندە 261 ملرد تەڭگە سوماسىنا 13 593 رەسٸم بويىنشا مەملەكەتتٸك ساتىپ الۋ تۋرالى زاڭنامانى بۇزۋشىلىقتار انىقتالعان. اۋديت وبەكتٸلەرٸنە بۇزۋشىلىقتاردى جويۋ تۋرالى 13 478 حابارلاما جٸبەرٸلدٸ. سونىڭ نەتيجەسٸندە, 215 ملرد تەڭگە سوماسىنا بۇزۋشىلىقتارعا جول بەرٸلمەدٸ. ولار كونكۋرستاردىڭ قورىتىندىلارىنىڭ شەشٸمدەرٸن بولدىرماۋ جەنە كونكۋرس قۇجاتتاماسىنا ٶزگەرٸستەر ەنگٸزۋ ارقىلى شەشٸلدٸ.
