QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysy barysynda áleýmettik máni bar azyq-túlik taýarlaryna baǵany turaqtandyrý boiynsha sharalar qarastyryldy.
QR Ulttyq ekonomika ministri Qýandyq Bishimbaev bólshek jáne kóterme saýdadaǵy áleýmettik máni bar azyq-túlik taýarlaryn satýda shekti saýda baǵalarynyń kólemin zańdy túrde bekitýdi usynyp, olarǵa saýda nysany sanatyna bailanysty jekedara qaraý qajettigi týraly baiandady.
Shekti saýda baǵalary negizinde ai saiyn «usynylatyn baǵalar» esebi júrgiziletin bolady dep kútilýde, ol ashyq túrde jariialanady.
Atalǵan jańashyldyqtar satýshylar úshin de, tutynýshylar úshin de baǵanyń quralýyn uǵynyqty etýdi qamtamasyz etýge múmkindik beredi. «Usynylatyn baǵalar» týraly aqparattyń qoljetimdiligi halyqtyń basym bóligin monitoringke jáne naqty bólshek baǵanyń «usynylatyn baǵalarǵa» sáikessizdigin anyqtaýǵa, sol arqyly áleýmettik máni bar taýarlarǵa baǵany retteýdiń tiimdiligin barynsha arttyrýǵa múmkindik beredi.
Sonymen qatar jergilikti atqarýshy organdaryna saýda jelileri men saýda nysandarynda taýardyń qoljetimdiligine monitoring júrgizý quzyretin berý jáne taýarlardyń qoljetimdiligin shekteý belgileri anyqtalǵan jaǵdaida ol týraly monopoliiaǵa qarsy organǵa habarlaý múmkindigin berý usynyldy.
.jpeg)