QR Úkimeti otyrysynda 2017-2021 jyldarǵa arnalǵan AÓK-ni damytýdyń jańa memlekettik baǵdarlamasynyń jobasy qaralyp jatyr, onyń aiasynda otandyq aýylsharýashylyq taýarlarynyń eksportyn damytýdyń jańa tetikteri qarastyrylǵan.
QR Premer-Ministriniń orynbasary – aýyl sharýashylyǵy ministri Asqar Myrzahmetov otandyq aýylsharýashylyq taýarlaryn syrtqy naryqqa jyljytý maqsatynda AÓK Sarapshylyq keńesi qurylatynyn atap ótti.
Qurylatyn ortalyq aýylsharýashylyq óndirýshilerinen forvardtyq satyp alýlardy, syrtqy naryqta suranysqa ie ónimder úshin eksporttyq arnalardy qalyptastyrýdy, «KZ ORGANIC FOOD» jáne basqa da otandyq brendterdi jyljytýdy, syrtqy naryqtardy taldaýdy, ótkizý úshin tiimdi syrtqy naryqtar úshin jol kartasyn jasaýdy júzege asyrady.
Sonymen qatar, ortalyq eksporttyq taýashalardy izdeýmen, sondai-aq otandyq aýylsharashylyq óndirýshileriniń eksporttyq kelisim-sharttaryn qarjylandyrýmen jáne saqtandyrýmen ainalysatyn bolady.
Eske salsaq, QR Prezidenti Nursultan Nazarbaevtyń tapsyrmasy boiynsha agrarlyq sektordy jedel damytý mindeti alǵa qoiylǵany belgili. Osyǵan bailanysty QR Úkimeti 2017-2021 jyldarǵa arnalǵan AÓK-ni damytý memlekettik baǵdarlamasyn ázirledi. Sonyń nátijesinde taiaý 5 jyldyń ishinde aýyl sharýashylyǵy ónimderin óndirý men óńdeý ekonomikany ártaraptandyrý men ósimniń negizgi draiveri bolýy tiis.
.jpeg)