QR Syrtqy ister ministri Qairat Ábdirahmanov Qyrǵyzstandaǵy prezidenttik sailaýdyń qorytyndysyna qatysty pikir bildirdi, dep habarlaidy "Ult aqparat".
«Qazaqstan naqty bir kandidatqa tańdaý jasaǵan qyrǵyz halqynyń erkine qurmetpen qaraidy. Ózderińiz bilesizder, Qazaqstan Prezidenti Nursultan Nazarbaev Qyrǵyz Respýblikasynyń Prezidenti bolyp sailanǵan Sooronbai Jeenbekovke jyly lebizin bildirip, quttyqtaý jedelhatyn joldady», - dep toqtaldy ministr.
Osy oraida Ábdirahmanov Qazaqstan ary qarai da kórshi memleketpen diplomatiialyq bailanystardy nyǵaitýǵa nietti ekenin atap ótti.
«Qyrǵyzstannyń jańa Prezidenti kórshi eldermen qarym-qatynasty nyǵaitýǵa jaýapkershilikpen qaraitynyn baiqatty. Sonymen qatar Qazaqstan óz kezeginde Qyrǵyz Respýblikasymen dostyq pen yntymaqtastyqtyń ózara tiimdi ári tatý kórshilik qatynastardy budan ary qarai nyǵaitýdy ustanatyndyǵyn rastaidy»,-dedi Qairat Ábdirahmanov.
