قر سىرتقى ٸستەر مينيسترٸ قايرات ەبدٸراحمانوۆ قىرعىزستانداعى پرەزيدەنتتٸك سايلاۋدىڭ قورىتىندىسىنا قاتىستى پٸكٸر بٸلدٸردٸ, دەپ حابارلايدى "ۇلت اقپارات".
«قازاقستان ناقتى بٸر كانديداتقا تاڭداۋ جاساعان قىرعىز حالقىنىڭ ەركٸنە قۇرمەتپەن قارايدى. ٶزدەرٸڭٸز بٸلەسٸزدەر, قازاقستان پرەزيدەنتٸ نۇرسۇلتان نازارباەۆ قىرعىز رەسپۋبليكاسىنىڭ پرەزيدەنتٸ بولىپ سايلانعان سوورونباي جەەنبەكوۆكە جىلى لەبٸزٸن بٸلدٸرٸپ, قۇتتىقتاۋ جەدەلحاتىن جولدادى», - دەپ توقتالدى مينيستر.
وسى ورايدا ەبدٸراحمانوۆ قازاقستان ارى قاراي دا كٶرشٸ مەملەكەتپەن ديپلوماتييالىق بايلانىستاردى نىعايتۋعا نيەتتٸ ەكەنٸن اتاپ ٶتتٸ.
«قىرعىزستاننىڭ جاڭا پرەزيدەنتٸ كٶرشٸ ەلدەرمەن قارىم-قاتىناستى نىعايتۋعا جاۋاپكەرشٸلٸكپەن قارايتىنىن بايقاتتى. سونىمەن قاتار قازاقستان ٶز كەزەگٸندە قىرعىز رەسپۋبليكاسىمەن دوستىق پەن ىنتىماقتاستىقتىڭ ٶزارا تيٸمدٸ ەرٸ تاتۋ كٶرشٸلٸك قاتىناستاردى بۇدان ارى قاراي نىعايتۋدى ۇستاناتىندىعىن راستايدى»,-دەدٸ قايرات ەبدٸراحمانوۆ.
