QR Syrtqy ister ministrliginiń resmi ókili Aibek Smadiiarov Siriiadan qaitarylǵan qazaqstandyqtar týraly pikir bildirdi, dep habarlaidy QazAqparat tilshisi.
«Operatsiianyń gýmanitarlyq sipaty basym. Qazaqstandyqtardyń ózderi elge oralýǵa niet bildirdi, tipti keibiri qylmystyq jaýapkershilikti óteýge daiyn bolǵan», - deidi QR SIM baspasóz qyzmetiniń jetekshisi.
Olardyń birqatary týystary men BAQ arqyly elge qaitarýdy ótingen, osylaisha týystar memlekettik organdarǵa júgingen.
«Sonymen birge, erkinen tys Siriiadaǵy qarýly qaqtyǵys aimaǵynda qalǵan qazaqstandyq balalardy da umytpaǵan jón. Balalar men áielder Mańǵystaý oblysyndaǵy arnaiy beiimdeý ortalyǵyna ornalastyryldy. Olar meditsinalyq tekserýden ótip jatyr. Olar bir aiǵa deiin oqshaý ustalady, barlyǵy jaqyndarymen bailanysty ýaqytsha shekteýge kelisti», - dep óz sózin tolyqtyrdy A. Smadiiarov.
Olarmen psihologtar, dintanýshylar men pedagogtar qosymsha jumys isteidi jáne joǵalǵan qujattardy qalpyna keltirý boiynsha kómek kórsetiledi. Karantin merzimi aiaqtalǵan soń, balalar men áielder ózderiniń burynǵy mekenjaiyna jiberiledi.
«Qazaqstandyq azamattar Siriia aýmaǵynda «Siriia demokratiialyq kúshterine» óz erikterimen berilgen jáne bizdiń arnaiy qyzmetter men áskerilerdiń qatysýymen ózge memleketter arqyly Qazaqstanǵa jetkizildi. Qazaqstandyq áielder men balalardy elge qaitarý protsesi áli aiaqtalǵan joq. Sondyqtan, qaýipsizdik maqsatynda qutqarýdyń mán-jaiy men sheteldik qatysýshylar týraly derek qupiia saqtalady», - dedi Aibek Smadiiarov.
Eske sala ketsek, Nursultan Nazarbaev Siriiadan Qazaqstan azamattaryn evakýatsiialaý boiynsha gýmanitarlyq operatsiiaǵa bailanysty málimdeme jasaǵan bolatyn.
Memleket basshysy atap ótkendei, 6 qańtarda quqyq qorǵaý organdary men Syrtqy ister ministrligi júrgizgen gýmanitarlyq shara nátijesinde Siriiadan Qazaqstannyń 47 azamaty, sonyń ishinde 30 bala elge qaitaryldy.
