قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ سيرييادان قايتارىلعان قازاقستاندىقتار تۋرالى پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«وپەراتسييانىڭ گۋمانيتارلىق سيپاتى باسىم. قازاقستاندىقتاردىڭ ٶزدەرٸ ەلگە ورالۋعا نيەت بٸلدٸردٸ, تٸپتٸ كەيبٸرٸ قىلمىستىق جاۋاپكەرشٸلٸكتٸ ٶتەۋگە دايىن بولعان», - دەيدٸ قر سٸم باسپاسٶز قىزمەتٸنٸڭ جەتەكشٸسٸ.
ولاردىڭ بٸرقاتارى تۋىستارى مەن باق ارقىلى ەلگە قايتارۋدى ٶتٸنگەن, وسىلايشا تۋىستار مەملەكەتتٸك ورگاندارعا جٷگٸنگەن.
«سونىمەن بٸرگە, ەركٸنەن تىس سيريياداعى قارۋلى قاقتىعىس ايماعىندا قالعان قازاقستاندىق بالالاردى دا ۇمىتپاعان جٶن. بالالار مەن ەيەلدەر ماڭعىستاۋ وبلىسىنداعى ارنايى بەيٸمدەۋ ورتالىعىنا ورنالاستىرىلدى. ولار مەديتسينالىق تەكسەرۋدەن ٶتٸپ جاتىر. ولار بٸر ايعا دەيٸن وقشاۋ ۇستالادى, بارلىعى جاقىندارىمەن بايلانىستى ۋاقىتشا شەكتەۋگە كەلٸستٸ», - دەپ ٶز سٶزٸن تولىقتىردى ا. سماديياروۆ.
ولارمەن پسيحولوگتار, دٸنتانۋشىلار مەن پەداگوگتار قوسىمشا جۇمىس ٸستەيدٸ جەنە جوعالعان قۇجاتتاردى قالپىنا كەلتٸرۋ بويىنشا كٶمەك كٶرسەتٸلەدٸ. كارانتين مەرزٸمٸ اياقتالعان سوڭ, بالالار مەن ەيەلدەر ٶزدەرٸنٸڭ بۇرىنعى مەكەنجايىنا جٸبەرٸلەدٸ.
«قازاقستاندىق ازاماتتار سيرييا اۋماعىندا «سيرييا دەموكراتييالىق كٷشتەرٸنە» ٶز ەرٸكتەرٸمەن بەرٸلگەن جەنە بٸزدٸڭ ارنايى قىزمەتتەر مەن ەسكەريلەردٸڭ قاتىسۋىمەن ٶزگە مەملەكەتتەر ارقىلى قازاقستانعا جەتكٸزٸلدٸ. قازاقستاندىق ەيەلدەر مەن بالالاردى ەلگە قايتارۋ پروتسەسٸ ەلٸ اياقتالعان جوق. سوندىقتان, قاۋٸپسٸزدٸك ماقساتىندا قۇتقارۋدىڭ مەن-جايى مەن شەتەلدٸك قاتىسۋشىلار تۋرالى دەرەك قۇپييا ساقتالادى», - دەدٸ ايبەك سماديياروۆ.
ەسكە سالا كەتسەك, نۇرسۇلتان نازارباەۆ سيرييادان قازاقستان ازاماتتارىن ەۆاكۋاتسييالاۋ بويىنشا گۋمانيتارلىق وپەراتسيياعا بايلانىستى مەلٸمدەمە جاساعان بولاتىن.
مەملەكەت باسشىسى اتاپ ٶتكەندەي, 6 قاڭتاردا قۇقىق قورعاۋ ورگاندارى مەن سىرتقى ٸستەر مينيسترلٸگٸ جٷرگٸزگەن گۋمانيتارلىق شارا نەتيجەسٸندە سيرييادان قازاقستاننىڭ 47 ازاماتى, سونىڭ ٸشٸندە 30 بالا ەلگە قايتارىلدى.
