Qazaqstannyń Syrtqy ister ministrligi sheteldegi qazaqstandyq stýdentterdiń máselelerimen ainalysatyn arnaiy jedel shtab qurdy, dep habarlaidy "Ult aqparat" ministrliktiń Telegram kanalyna silteme jasap.
Ministrliktiń habarlaýynsha, qazirgi tańda álemde jalǵasyp jatqan koronavirýs indeti shetelde bilim alatyn qazaqstandyq stýdentter úshin belgili bir qiyndyqtar týǵyzýda.
Kóptegen elderde turaqty aviatsiialyq jáne kólik bailanysy toqtatylyp, sheteldik azamattarǵa kirýge tyiym salynyp, karantin rejimi saqtalýda. Sheteldik oqý oryndary sheteldik stýdentter úshin qashyqtan oqytý formatyna kóshken.
«Osyǵan bailanysty qazaqstandyq stýdentterdiń jumystaryn úilestirý jáne olarǵa qajetti kómek kórsetý úshin Syrtqy ister ministrliginde Jedel shtab qurylyp, oǵan Ortalyq apparat qyzmetkerlerimen qatar sheteldegi konsýldyq qyzmetkerleri de kirdi. Konsýldyq qyzmetkerler ózderi ornalasqan elderdegi ár ýniversitetpen bailanys ornatyp, sheteldik stýdentter úshin usynylatyn oqý formatyn anyqtaýda. Sonymen qatar, SIM shtaby Qazaqstanda tirkelgen sheteldik elshiliktermen turaqty bailanysta. Shtab bizdiń stýdentterge ýniversitettermen bailanys ornatýda, viza rásimdeýde, belgili bir elge kirý men shekaradan ótý jáne t.b. máselelerde kómek kórsetedi»,-delingen ministrliktiń aqparatynda.
Stýdentter men olardyń ata-analarynan barlyq suraqtar boiynsha QR SIM Jedel shtabyna habarlasýǵa bolady. Tel:+7 (7172) 72-00-46, 72-00-47, 72-05-49, elektrondyq poshta - covid19@mfa.kz.
