قازاقستاننىڭ سىرتقى ٸستەر مينيسترلٸگٸ شەتەلدەگٸ قازاقستاندىق ستۋدەنتتەردٸڭ مەسەلەلەرٸمەن اينالىساتىن ارنايى جەدەل شتاب قۇردى, دەپ حابارلايدى "ۇلت اقپارات" مينيسترلٸكتٸڭ Telegram كانالىنا سٸلتەمە جاساپ.
مينيسترلٸكتٸڭ حابارلاۋىنشا, قازٸرگٸ تاڭدا ەلەمدە جالعاسىپ جاتقان كوروناۆيرۋس ٸندەتٸ شەتەلدە بٸلٸم الاتىن قازاقستاندىق ستۋدەنتتەر ٷشٸن بەلگٸلٸ بٸر قيىندىقتار تۋعىزۋدا.
كٶپتەگەن ەلدەردە تۇراقتى اۆياتسييالىق جەنە كٶلٸك بايلانىسى توقتاتىلىپ, شەتەلدٸك ازاماتتارعا كٸرۋگە تىيىم سالىنىپ, كارانتين رەجيمٸ ساقتالۋدا. شەتەلدٸك وقۋ ورىندارى شەتەلدٸك ستۋدەنتتەر ٷشٸن قاشىقتان وقىتۋ فورماتىنا كٶشكەن.
«وسىعان بايلانىستى قازاقستاندىق ستۋدەنتتەردٸڭ جۇمىستارىن ٷيلەستٸرۋ جەنە ولارعا قاجەتتٸ كٶمەك كٶرسەتۋ ٷشٸن سىرتقى ٸستەر مينيسترلٸگٸندە جەدەل شتاب قۇرىلىپ, وعان ورتالىق اپپارات قىزمەتكەرلەرٸمەن قاتار شەتەلدەگٸ كونسۋلدىق قىزمەتكەرلەرٸ دە كٸردٸ. كونسۋلدىق قىزمەتكەرلەر ٶزدەرٸ ورنالاسقان ەلدەردەگٸ ەر ۋنيۆەرسيتەتپەن بايلانىس ورناتىپ, شەتەلدٸك ستۋدەنتتەر ٷشٸن ۇسىنىلاتىن وقۋ فورماتىن انىقتاۋدا. سونىمەن قاتار, سٸم شتابى قازاقستاندا تٸركەلگەن شەتەلدٸك ەلشٸلٸكتەرمەن تۇراقتى بايلانىستا. شتاب بٸزدٸڭ ستۋدەنتتەرگە ۋنيۆەرسيتەتتەرمەن بايلانىس ورناتۋدا, ۆيزا رەسٸمدەۋدە, بەلگٸلٸ بٸر ەلگە كٸرۋ مەن شەكارادان ٶتۋ جەنە ت.ب. مەسەلەلەردە كٶمەك كٶرسەتەدٸ»,-دەلٸنگەن مينيسترلٸكتٸڭ اقپاراتىندا.
ستۋدەنتتەر مەن ولاردىڭ اتا-انالارىنان بارلىق سۇراقتار بويىنشا قر سٸم جەدەل شتابىنا حابارلاسۋعا بولادى. تەل:+7 (7172) 72-00-46, 72-00-47, 72-05-49, ەلەكتروندىق پوشتا - covid19@mfa.kz.
