QR SIM Reseidiń Túrkiiadaǵy elshisine jasalǵan qastandyq týraly pikir bildirdi

QR SIM Reseidiń Túrkiiadaǵy elshisi Andrei Karlovqa jasalǵan qastandyq týraly pikir bildirdi, - dep habarlaidy "Ult aqparat".

Vedomstvo Reseidiń Túrkiiadaǵy elshisine jasalǵan qastandyqty qatań aiyptaidy. "Egemen eldiń ýákiletti ókiline qarsy jasalǵan bul terrorizm aktisiniń maqsaty Túrkiia men Reseidiń ekijaqty qarym-qatynasyna úrei men alaýyzdyq týǵyzý bolǵan. Reseilik tarapqa, marqumnyń otbasy men jaqyndaryna qaiǵysyna ortaqtasyp kóńil aitamyz jáne aqtap alýǵa kelmes bul qastyq aktisin Túrkiianyń quqyq qorǵaý organdary jan-jaqty tergep, uiymdastyrýshylar qatań jazalanady dep úmittenemiz", - dep habarlady QR SIM ókilderi. 

Sonymen qatar, Halyqaralyq qatynastar Eýraziialyq keńesiniń direktory Janbolat Úsenov Facebook jelisindegi paraqshasynda qaiǵyly oqiǵanyń Túrkiia men Reseidiń Siriianyń taǵdyryn birlese sheshý jaily umtylystardyń qarsańynda bolǵanyn atap ótti. "Diplomattar arandatýshylarǵa ońai nysan. Memlekettiń resmi ókiline shabýyl jasaý - prezidenttiń ózine shabýyl jasaýmen teń. Alaida elshilerdi prezident retinde qorǵamaidy. Qorǵai ma eken jalpy", - dep jazdy Úsenov áleýmettik jelidegi paraqshasynda. 

Onyń pikirinshe, memlekettik emes aktorlarǵa "budan asqan nysan" tabý múmkin emes. Ol RF elshisine búgin jasalǵan shabýyldan memlekettik aktorlar qamdana bastaidy, sebebi zardap shekken tarap áreket etýge mindetti. "Buǵan qarsy áreket te týra osyndai bolýy múmkin", - deidi ol.

Buǵan deiin habarlaǵanymyzdai, búgin túrik elinde zamanaýi óner ortalyǵyndaǵy kórmeniń ashylý saltanatynda quttyqtaý sóz sóilep turǵan RF Elshisi Andrei Karlovqa qarýly shabýyl jasalyp, ol aýrýhanada kóz jumdy.