Ońtústik Koreianyń áleýmettik jelileriniń orys tildi toptarynda koronavirýs juqtyrdy delingen Qazaqstan azamaty COVID-19 virýsynyń bar-joǵyn anyqtaityn barlyq saraptamany tapsyrdy.
Bul jaiynda QR Syrtqy ister ministrliginiń Telegram paraqshasynda taratylǵan aqparatta aitylǵan, dep habarlaidy "Ult aqparat".
«Búgin, 4 naýryzda Qazaqstannyń Ońtústik Koreiadaǵy Elshiliginiń qoldaýymen osyǵan deiin COVID-19 virýsyn juqtyrdy degen azamatymyz koronavirýs bar-joqtyǵyn anyqtaýǵa qajetti barlyq saraptamany tapsyrdy. Aýrýlardy baqylaý jáne aldyn-alý jónindegi korei ortalyǵynyń habarlaýynsha, otandasymyzdyń analiz nátijeleri virýstyń joq ekenin kórsetken. Atalǵan azamatymyzǵa test nátijeleri tanystyryldy», - delingen QR Syrtqy ister ministrligi taratqan aqparatta.
Búgin QR Syrtqy ister ministrliginiń resmi ókili Aibek Smadiiarov Ońtústik Koreiada zańsyz júrgen Qazaqstan Respýblikasynyń azamaty koronavirýske shaldyqqany rastaldy degen aqparattyń jalǵan ekenin málimdegen bolatyn.
