وڭتٷستٸك كورەيانىڭ ەلەۋمەتتٸك جەلٸلەرٸنٸڭ ورىس تٸلدٸ توپتارىندا كوروناۆيرۋس جۇقتىردى دەلٸنگەن قازاقستان ازاماتى COVID-19 ۆيرۋسىنىڭ بار-جوعىن انىقتايتىن بارلىق ساراپتامانى تاپسىردى.
بۇل جايىندا قر سىرتقى ٸستەر مينيسترلٸگٸنٸڭ Telegram پاراقشاسىندا تاراتىلعان اقپاراتتا ايتىلعان, دەپ حابارلايدى "ۇلت اقپارات".
«بٷگٸن, 4 ناۋرىزدا قازاقستاننىڭ وڭتٷستٸك كورەياداعى ەلشٸلٸگٸنٸڭ قولداۋىمەن وسىعان دەيٸن COVID-19 ۆيرۋسىن جۇقتىردى دەگەن ازاماتىمىز كوروناۆيرۋس بار-جوقتىعىن انىقتاۋعا قاجەتتٸ بارلىق ساراپتامانى تاپسىردى. اۋرۋلاردى باقىلاۋ جەنە الدىن-الۋ جٶنٸندەگٸ كورەي ورتالىعىنىڭ حابارلاۋىنشا, وتانداسىمىزدىڭ اناليز نەتيجەلەرٸ ۆيرۋستىڭ جوق ەكەنٸن كٶرسەتكەن. اتالعان ازاماتىمىزعا تەست نەتيجەلەرٸ تانىستىرىلدى», - دەلٸنگەن قر سىرتقى ٸستەر مينيسترلٸگٸ تاراتقان اقپاراتتا.
بٷگٸن قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ وڭتٷستٸك كورەيادا زاڭسىز جٷرگەن قازاقستان رەسپۋبليكاسىنىڭ ازاماتى كوروناۆيرۋسكە شالدىققانى راستالدى دەگەن اقپاراتتىڭ جالعان ەكەنٸن مەلٸمدەگەن بولاتىن.
